Некеден кейін әйел бақыты

Некеден кейін әйел бақыты

 
281 
Бұл тақырып жайлы мен бөлек бөлімде толық айтып 
өткенмін. Тақырып «ер адамға ақша беруге болады ма» деп 
аталады, сол бетті ашып, мұқият оқысаңыз болады. 
Егер табысыңыз ортақ қажеттіліктерге жұмсалса, онда 
жұмысыңызға ер адамның араласқанын сұрасаңыз болады. 
Яғни жұмысыңызда ол көмектесе алатын жерде көмек 
сұрап, кеңесін алыңыз. Сонда бәрі әділетті болады. Бірақ 
ер адам сізге жұмысыңызда көмектесуге міндетті емес. 
Егер ол бас тартса, сіз «мен ақша беремін, өз ақшама 
ананы-мынаны аламын» деп кіналамауыңыз керек. Бұл 
сіздің таңдауыңыз, және сіз бұны тек өзіңіз үшін істедіңіз. 
Жәй ғана басқа адамдар да содан пайда көріп қалды, онда 
тұрған ештеңе жоқ. Егер бұлай міндетсініп, ренжіп 
жатсаңыз, онда жәй ғана ортақ қажеттіліктерге ақша 
бермеңіз. Бәрі өз қалауыңызбен болу керек. 
 
 
 
 

Сабира Нұрпеисқызы instagram: @sabiradan_ 

Некеден кейін әйел бақыты

 
282 
Қорытынды 
 
Кітаптың сізге берер пайдасы мол болды деп 
ойлаймын. Мен әйел болғандығымнан кітаптың фокусын 
да әйел затына бағыттадым. Амалына, ойына және ниетіне. 
Бір жанның ойын, өмірін өзгертуге себепші болсам, менен 
бақытты жан болмайды. 
Қазір өміріңізді өзгерту жолында болсаңыз, сізге тек қана 
тоқтамаңыз дегім келеді. Біздің ойымыз әрекетті өзгертеді, 
әрекет нәтижені өзгертеді, ал нәтижеден біздің өміріміз 
өзгере бастайды. Сіз қалаған нәтижеге жету үшін күшіңіз 
де, іліміңіз де бар.
Әйелдің 40 жаны 40 мүмкіндікті байқап көруге 
арналған шығар. Мүмкіндіктер көп, барлығын байқап 
көруіңіз керек. Байқамай жатып «бәрі де кеш, қолымнан 
келмейді, өмір әділетсіз» деуден аулақ болыңыз. Аллаһ 
Тағала ешкімге кедей болуды, бақытсыз болуды тілемейді, 
Ол бізге таңдау берді. Таңдау екеу-ақ бола алады: әрекет 
ету және әрекет етпеу. Өз таңдауыңызды жасаңыз. Ал 
нәтижеге Алланың берген жеңілдігімен жетесіз. «Адам өзі 
өзгергенін қаламағанша, мен оны өзгертпеймін» дейді 
Аллаһ Тағала. Сіз қанша жерден сөзбен «өзгергім келеді» 
деп, бірақ өзгеру жолында анық әрекет жасамасаңыз, 
сіздің сөзіңіздің салмағы болмайды. Әрекет жоқ жерде 
адамның шынайы қалауы жоқ деген сөз. Бұл кітап сізге 
жәйдан жәй кезікпеді, сізге әрекет етуге көмектесу үшін 
кезікті. Мен сізге сенемін, сізде керемет өмірлік өзгерістер 
болады. 
Ізгі тілекшіңіз-Сабира Нұрпеисқызы