Қолданылуы. Сабақтың сұрақтары

2-тақырып. Шетел мотожаяу əскер (жаяу əскер) батальонының ұйымы, 
қарулануы жəне əскери техникасы.
1-сабақ. Шетел мотожаяу əскері (жаяу əскер) бөлімшелерінің құрамы мен 
қолданылуы.
Сабақтың сұрақтары:
1. Шетел мотожаяу əскері бөлімшелерінің құрамы мен қолданылуы;
2. Шетел жаяу əскері бөлімшелерінің құрамы мен қолданылуы.
1-ші оқу сұрағы. Шетел мотожаяу əскері бөлімшелерінің құрамы мен 
қолданылуы.
Қытайдың халық-азаттық армиясы (ҚХАА). ҚХАА Құрлық əскерлері Қытайдың 
қарулы күштерінің ең саны көп түрі болып табылады (ҚК жалпы санының шамамен 75 
%). Қытай қолбасшылығы оларға қарсылас əскерлері топтамасын талқандауда, аумақты 
басып алып, ұстап тұруда зор рөл бөледі.
Құрылымдық тұрғыдағы құрлық əскерлерінің жікетелуі: 
-бағыты бойынша-далалық жəне жергілікті əскерлерге;
-жауынгерлік қасиеттері бойынша-əскер тектеріне жəне арнайы əскерлерге;
-жауынгерлік құрамы мен орындалатын міндеттерінің көлемі бойынша - 
бірлестіктерге, құрамаларға, бөлімдерге жəне бөлімшелерге;
-жеке кұраммен жасақтау деңгейі бойынша - ұрысқа əзір болған жəне резервтегі 
əскерлерге бөлінеді.
Далалық əскерлер Құрлық əскерлерінің негізін құрайды жəне өз аумағында, сондай-
ақ оның шегінен тыс шабуылдау жəне қорғану əрекеттерін жүргізуге арналған.
Ұйымдастырушылық 
тұрғыда 
далалық 
əскерлер 
жалпыəскери 
жəне 
механикаландырылған армияларға біріктірілген.
Механикаландырылған жəне сауытты танк дивизияларында мотожаяу батальоны 
негізгі жауынгерлік бөлімше болып табылады.Ұрыста оның негізінде, əдетте, 
батальондық тактикалық тобы кұрылады (бтт), ол көп жағдайда бригада құрамында 
əрекет етеді. Кейде əртүрлі ұрыста дербес міндеттерді атқара алады.
Ұйымдастырушылық тұрғыда мотожаяу батальоны штабтан жəне 6 ротадан тұрады: 
Оның құрамында 1-оқшашар, 3-мотожаяу əскер, 1-миномет жəне 1-кері теппейтін қару
роталары бар. (1.3 сурет).
Барлығы мотожаяу батальонында; 681- адам; 9- дана 82-мм жəне 9- дана 60-мм
миномет; 3- дана 82- мм жəне 6- дана 75-мм кері теппейтін қару; 468- дана 7,62-мм 
автомат; 54- дана 7,62- мм қол оқшашары; 38- дана жаяу əскер жауынгерлік машинасы 
(ЖƏЖМ) бар.