Қолдан ұрықтандыру – генотиптерді қарқынды түрде жақсарту
мақсатындағы сұрыптау жұмыстарында құнды малдардың ұрықтарымен
аналықтарды жаппай ұрықтандыру.
Қоректік орта (культуралды орта) – құрамында жасушаның тіршілігі үшін
қажетті барлық компоненттері болғандықтан, биологиялық жүйелердің өсіп дамуын
қамтамасыз ете алатын орта.
Қосымша метаболиттер (ағ. secondary metabolites) - өсімдік жасушаларында
түзілетін, бірақ олардың тіршілігі үшін аса қажет емес заттар.
Құрылымдық ген (ағ. structural gene) – құрамында басқа биополимерлер
(ақуыз, РНҚ-ы) құрылымы туралы информация бар нуклеотидтер тізбегінің бөлігі;
260
бірақ бұл ұғымға геннің экспрессиясын реттейтін сигналдардың нуклеотидтер
тізбегі кірмейді.
Қынап айнасы – қынапты немесе жатырдың қынап бөлігін зерттеуге немесе
қолдан ұрықтандыруда қолданылатын арнайы құрал.
