Шиыршықты үлгінің кемшіліктері. Шиыршықты циклдің
негізгі мәселесі – келесі кезеңге өту сәтін анықтау. Оны шешу үшін
өмірлік циклдің әр кезеңіне шақтық шектеулерді енгізу қажет.
Өйтпесе, әзірлеу процесі жасалғанды шексіз жетілдіруге айналуы
мүмкін. Итеративті тәсілдемеде «үздік – жақсының жауы»
қағидатын сақтаған жөн. Сондықтан итерацияны аяқтауды барлық
жоспарланған жұмыс аяқтамағанына қарамастан, жоспарға қатаң
сәйкестікпен жүргізу қажет. Жұмыстарды жоспарлау әдетте
алдыңғы жобаларда алынған статистикалық деректер мен
әзірлеушілердің жеке тәжірибесі негізінде жүргізіледі.
