Оқулық «Федералдық білім беруді дамыту институты»
жүктеу/скачать 2,22 Mb. Pdf көрінісі
|
| 85
аяқталған бойда, ол «Іске қосуға дайын» күйіне ауысады. Бұл күйде процеске барлық қажетті ресурстар қолжетімді, тек процессорлық уақыт қолжетімді емес, ол орындалуды күтіп тұрған тапсырмалар кезегінде орналасады. Жоспарлағыш процесті таңдаған бойда, ол «Ядро режимінде орындалады» күйіне ауысады, яғни операциялық жүйе ядросының процестің соңғы өзгерген күйін өңдейтін бағдарламалық кодын орындайды. Осы күйден ол «Тапсырма режимінде орындалуда» күйіне ауыса алады, ол күйге ауысқанда ол өзінің бағдарламалық кодын орындайды. Әр жүйелік шақыртуда процес «Ядро режимінде орындалуда» күйіне ауысып отырады (сурет- 4.1). Жүйелік шақыртулар белгілі бір ресурстарға рұқсат алу үшін орындалуы мүмкін, ал ресурстар қолжетімді болмаған жағдайда «Ядро режимінде орындалуда» күйінен шығып, «Күту» күйіне түседі. Ол күйде процессорлық уақытты босатады және ресурстың босауын күтеді. Ресурс қолжетімді болған кезде процес оны ұстап алады, «Іске қосуға дайын» күйіне ауысады да, тағы да процес жоспарлағышының таңдауын күтеді. «Ядро режимінде орындалуда» және «Тапсырма режимінде орындалуда» күйлерінде жоспарлағыш басқаруды басқа процеске бере алады. Бұл ретте басқаруды алып кеткен процес «Іске қосуға дайын» күйіне ауысады. Сурет-4.1. Процестің өмірлік айналымы |