кесте. Міндетті және ерікті медициналық сақтандыру жүйелерінің айырмашылықтары

Ерікті сақтандыру әлеуметтік сақтандыру жүйесінің қаржылық-коммерциялық бөлігіне жатады. Бұл іс жеке басты сақтандыруды қамтамасыз ету үшін ұйымдастырылады. Міндетті сақтандыру мемлекеттік тұрғыда кепілдендірілген, шектеулі көлемде салық төлемдерімен қамтамасыз етілетін әлеуметтік сақтандыру жүйесінің бір бөлігі болып табылады.

Ерікті медициналық сақтандыру тек қана «Медициналық сақтандыру туралы» заңмен реттелсе, міндетті медициналық сақтандыру жүйесінің жұмысын реттеуге «Әлеуметтік сақтандыру туралы» заң да қолданылады.

Ерікті медициналық сақтандыру ережелерін сақтандыру ұйымдары анықтайды, ал міндетті медициналық сақтандыру ережелерін мемлекеттік басқару құрылымдары белгілейді.

Ерікті медициналық сақтандыру жүйесі жеке тұлғаларды немесе топты медициналық көмекпен қамтамасыз етсе, міндетті медициналық сақтандыруға барлық тұрғындар тартылады.

Ерікті сақтандыруды әртүрлі меншіктегі сақтандыру ұйымдары жүзеге асырса, міндетті медициналық сақтандыруды мемлекеттік немесе мемлекет қадағалауындағы ұйымдар жүргізеді. Егер ерікті сақтандырушы ретінде физикалық және құқықтық тұлғалар аталса, міндетті сақтандырумен еңбек қожалықтары, мемлекеттік органдар, жергілікті әкімшілік айналысады. Ерікті медициналық сақтандыруға азаматтардың, кәсіпкерлердің жеке табысы жұмсалса, міндетті медициналық сақтандыруға шаруашылық қожалықтары өндіретін тауарлардың өзіндік бағасына кіретін салымы, мемлекеттік бюджет қаржысы қолданылады.

Медициналық көмектің минимумы сақтандырушы мен сақтанушы арасындағы келісім-шарт бойынша түзілген бағдарламасымен реттелсе, міндетті медициналық көмек минимумы денсаулық сақтау министрлігінде анықталып, жергілікті әкімшілікте бекітіледі.

Тарифтің көлемі ерікті медициналық сақтандыру жүйесінде екі жақты келісім-шарт бойынша бекітілсе, міндетті медициналық сақтандыруда мемлекеттің басым ролімен және екі жақтың келісім-шартымен анықталады.

Сапаны қадағалау ерікті медициналық жүйесінде келісім-шарт арқылы реттелсе, міндетті медициналық сақтандыруда екі жақты келісім-шарт бойынша және мемлекеттің басым ролі арқылы жүзеге асырылады.

Ерікті медициналық сақтандыру қорына түскен қаржылай табыс коммерциялық және коммерциядан тыс жұмыстарды іске асыруға жұмсалса, міндетті медициналық сақтандыру қорына түскен қаржы осы саланы дамытуға ғана жұмсалады. Сонымен, медициналық сақтандыру әлеуметтік сақтандырудың маңызды бір саласы болып табылады және оның тұрғындарды сапалы және білікті медициналық көмекпен қамтамасыз етудегі ролі аса маңызды деуге болады.