Пікір алмасудың шешендік тағылымы Пікір алмасуда басқалардың пікірін сабырлықпен тыңдау, пікірлерді сыйлау, пікірлестерді құрметтей білу маңызды. Мұндағы талаптар: жан-жақты білім, айқын ой, дәлелдеу шеберлігі, дауыс күші, эстетикалық талғам, эмоция, көркем тіл, көпшілік алдында сөйлеуге психологиялық дайындық, үнемі сөйлеп жаттығу, шешен сөйлей білу, көпшілік алдында сөйлеудің сырын меңгеру. Пікір алмасатын адам сөйлейтін сөзінің мағыналық шегін біліп, тақырыптан ауытқымай, мазмұн аясынан шықпауды есте ұстауы тиіс. Сөйлеу мазмұнының ішкі және сыртқы бүтіндігі – мазмұн мен форманың бірлігі. Яғни, мазмұнға сәйкес тілдік құралдарды дұрыс таңдау маңызды.
