128-бап. Ата-анасының қамқорлығынсыз қалған балаларға алиментті өндіріп алу жəне пайдалану 1. Ата-анасының қамқорлығынсыз қалған балаларға алимент
осы Заңның 125-127-баптарына сəйкес өндіріп алынады жəне
балалардың қорғаншысына (қамқоршысына) немесе олардың
патронат тəрбиешісіне төленеді.
2. Ата-анасының қамқорлығынсыз қалған жəне тəрбиелеу,
емдеу мекемелері мен өзге де мекемелердегі балаларға ата-
аналарынан өндіріп алынатын алимент сол мекемелердің
шотына аударылады, онда əр балаға бөлек есептеледі.
Аталған мекемелер бұл соманы банкілерге салуға құқылы.
Келіп түскен алимент сомасының айналысынан түскен кірістің елу
проценті аталған мекемелердегі балаларды асырап-бағуға
пайдаланылады. Бала мұндай мекемеден кеткен кезде оған
төленген алимент сомасы жəне оның айналасынан түскен кірістің
елу проценті уəкілетті банкте баланың атына ашылған шотқа
аударылады.
