Рлар патологиясының негіздері оқу құралы Қостанай, 2016 4
жүктеу/скачать 1,75 Mb. Pdf көрінісі
|
| Шошқалар. Басқа жануарлармен салыстырғанда олардағы ісіктік аурулар
өте сирек, себебі, үй шошқаларының біраз бөлігі бір жылдай ғана өмір сүреді. Шошқалардың негізгі ісік аурулары лейкоз болып табылады, бірақ, біздің мәліметтеріміз бойынша бар болғаны 0,02%жағыдайларда ғана кездеседі (Тарасов). Шошқалардағы басқада диагностикаланатын ісіктердің бірі нефробластома немесе – айлық жастағы жас торайлардың бүйрегінде анықталатын эмбриональді нефрома. Бұл ісіктер әдетте эпителиальдық және фиброзды ұлпалардан құралады, бірақ оларда сіңірлі немесе бұлшық етті ұлпалар кездесуі мүмкін. Сондықтан, нефробластоманы бүйректің аралас ісігі, саркокарцинома, аденосаркома деп атайды. Ісік марфологиялық жағынан эмбриональді шумақшалы құрылыстан құралған, олар фиброзды ұлпаны қоршаған эпителиальді торшалардың аралықтарынан тұрады. Ірі ісіктің түйіндерден некроз аумақтарын және кистозды қуыстарды анықтауға болады. Шошқалардың басқа ісіктік жағыдайлары сирек кездеседі. Мысалы, ұйқы безінің саркомасы мыңдаған шошқаларды ашып сою кезінде бір рет қана табылған. Иттер.Басқа үй жануарларымен салыстырғанда иттердің ісік аурулары жиі кездеседі. Иттердің ауруларының басты маңыздылығы үй жануарларында кездесетін ісіктердің болуы болып табылады. Бұлар трансмиссвті венерикалық ісік (дөңгелек торшалы саркома) және циркуманальді бездің ісігі (аденома және аденокарцинома). Перианальді бездердің (циркуманальді) ісігі жастағы және одан үлкен кәрі биелерде жиі кездеседі. Әдетте, бұлар тығыз цитоплазмалық жиектен құралған және ақшыл ірі ядролы торашалардан құралған қауіпсіз аденомалар. Перианальді бездердің карциномасы дөңгелек ақшыл ядролы торша пролиферациясының қарқындылығымен сипатталады. Олар метастаздалады және тілінгеннен кейін рецедивтер береді. Контогиозды венерикалық ісіктер жиі көбікті, цитоплазмасы эозонофильді, қара және ірі дөңгелек ядролы торшалардан құралған ісіктер. Торшалары біріне - бірі тығыздалып орналасады, оларда митоздар жиі кездеседі. Ісік еркек жыныс мүшесі кілегей қабығының астында, ал аналықтарында – қынаптың кілегей қабығында өседі. Жергілікті лимфа түйіндерінде метастаза түзіледі. Бұл ісіктер аңшылық иттерінде өте жиі таралған. Ленинград ветеринарлық институтының патологиялық анатомия 61 кафедрасының мәліметтері бойынша иттердегі қауіпті ісіктер қауіпсіздікке ие және барлық ісіктердің ішінен 72,5%-ын құрайды. Иттерде ісіктердің орналасуы бойынша бөлінеді: тері және тері асты клечаткасында – 32,4%, сүт безінде – 20,5%, жыныс бездерінің ісігі – 14,5 %, ал қан түзуші және лимфоидты ұлпалардың ісігі (лейкоз) бар болғаны 8%-ды құрайды. Иттердегі ісіктерді зерттеу жануарлар мен адамдардағы ісіктерге ұқсастығын және айырмашылығын анықтайды және салыстырмалы онкологияға ортақ мәселелерді шешуге мүмкіндік туғызады. Мысық.Иттер мен мысықтарда ісіктердің таралуында белгілі бір ұқсастықтар байқалады, бірақ мысықтарда өзіндік ерекшеліктері бар. Оларда қауіпті ісіктерге қарағанда қауіпсіз ісіктер асып түседі. Иттердегі сияқты, ісіктер 10 жастан асқан кәрі мысықтарда кездеседі. Егер ісіктердің орналасу негізі тері мен тері асты клечаткасы болса, ал, мысықтарда – бауыры. Ісіктердің 24,2%-ы бауырда, ал тері мен тері асты клечаткасында өте сирек кездеседі. Мысықтарда ісіктік аурулардың ерекшелігі басқада үй жануарларында мүлдем кездеспеген тілдегі рак ауруының 10% - ы мысықтарда диагностикалануы болып табылады. Мысықтардың тіл рагының негізгі бір себебі – тілдің балық сүйектерімен жиі жаралануы. Үй жануарларында ісіктік аурулардың таралуында түрлік, тұқымдық, жастық, жыныстық ерекшеліктері бақыланады және оларды салыстырмалы онкологиялық зерттеулерде есепке алады. жүктеу/скачать 1,75 Mb. Достарыңызбен бөлісу:
|