Ж. Қ. Қамысбаева суда жүзудің техникасы мен тактикасын үйрету
жүктеу/скачать 1,92 Mb. Pdf көрінісі
|
| Алғашқы дәрігерлік көмек. Судан алып шықаннан кейін
дәрігердің келуін күтпей-ақ , алғашқы дәрігерлік көмек көрсетуге кірісу керек. Егер де сәтсіздікке ұшыраған адам ес- түсін білетін болса, оның денесін құрғатып сүртіп, жылы киім кигізіп, ыстық шай т.б. беріп, тыныштандыру керек. Ал суға кеткен адам ес-түссіз жатқан жағдайда, тыныс алуы мен жүрек соғысы байқалса, белбеуі мен жағасын босатып, екі тамшы мүсәтір спиртін иіскету керек. Сонымен бірге оның аузын судан, сілекейден, батпақтан, құмнан т.б. заттардан тазартады. Содан кейін оны еңкейтіп, тізесін ішіне тіреп жатқызып кеуде қуысының төменгі бетінен және белдеме тұсынан қатты қысады. Мұндай әдіспен тыныс жолдарына және қарынға кеткен суды кейін шығарады, өкпеге оттек баруы үшін тыныс жолдарын ашады (69-сурет). 51 Сурет 69. Бұл жағдайда маңыздысы уақытты өткізбей, тезірек тыныс алуды қалпына келтіру, сол үшін жасанды тыныс алдыру әдісін қолданады. Оның бірнеше түрі бар. Қазіргі кезде жасанды тыныс алдыру әдісінің көп қолданылатын түрі ауыө немесе мұрын арқылы өкпеге жасанды түрде ауа үрлеу, сөйткенде ауаның өкпеге бару көлемі 3-4 есе көбейеді. Ал өкпеге ауа мол баруы үшін сәтсіздікке ұшыраған адамды шалқасынан жатқызады да, оның үстінен шешіп алынған киімдерінің бәрін қосып орап биіктетіп арқасының астына қояды, басын неғұрлым артқа қарай шалқайтады, бұл ауаның өкпеге тез және оңай баруына мүмкіндік береді (70-сурет). Сурет 70. Аузын және мұрнын дәкемен немесе қол орамалымен жауып, бір қолымен екі танауын қысады, сонан соң құтқарушы өзі терең дем алып, сәтсіздікке ұшыраған адамның аузын өз аузымен жауып тұрып, ауа үрлейді. 52 Тыныс алу жолдарына ауаны бір қалыпты, тоқтатпай, минутына 14-16 рет үрлейді, кішкентай балалардың есін жидыру кезінде ауаны жиі-жиі үрлеу керек, ауаның көлемі аздау болуы дұрыс. Қарынға ауа өтіп кетпеуі үщін әрбір дем шығарған кезде құтқарушы қолымен іштің (қарынның) тұсын басып тұрады. жүктеу/скачать 1,92 Mb. Достарыңызбен бөлісу:
|