Пригород жалпы орта білім беретін мектептің 4 "А" сынып оқытушысы Ж.Б.Сартаеваның өткізген ашық сабағының өзіндік талдауы. Тақырыбы: Ауа қалай қозғалады?
Бұл сабақтағы алдыға қойған мақсатым:Ауаның табиғаттағы орын ауыстыру үдерісін сипаттайды; Ауаның қозғалысына мысал келтіреді.
Көрнекті құралдар: АКТ, аудио-видео жазбалар, білім пирамидасы, таратпа тапсырмалар.
Бұл ашық сабақта оқушыларға ауаның өзара байланысын анықтап, оның табиғаттағы орын ауыстыру қызмет түрлерімен таныстырды. Ауаға мысалдар келтіріліп, оның не себепті қажет екенін айтып арнайы іс-тәжірибе жасалып, оқушылар ауаның түссіз, дәмсіз, пішіні жоқ, сығылатыны, серпілетін қасиеті бар екенін анықтап, көз жеткізді.
Сонымен қатар топқа бөліп түрлі тапсырмалар орындалды. Мысалы, берілген суреттерді топта талқылап, оларды топтан 2-3 бала қорғап айтып берді. Жұптық жұмыста балалар іс-тәжірибеден көргендері бойынша сурет салып, ауаның қозғалысына мысалдар келтіріп себептерін түсіндірді.
Әрбір оқушыға жекелей тапсырмалар ұсынылып жазба жұмыстары атқарылды.
«Австралия жаңбыры» атты сергіту сәттері өткізілді. Оқушыларды қызықтыра білді. Ең ұтымды болған бұл «Моторчик» ойыны болатын. Мұнда балалар берілген мәтінді саусақтарын қимылға келтіре отырып, жылдам оқиды. Осы сәт өте тиімді болды.
Рефлексия кезінде балалар тақтадағы ілініп білім пирамидасына өз ойларын жазып түсінген не түсінбегенін, қызықты сәттерін стикер жапсыру арқылы білдірді.
Сабақтағы алға қойған мақсатыма жеттім деп ойлаймын.
Әріптестер арасында сабақ жақсы деп бағаланды.
