Пәннің оқу-әдістемелік кешені «Физика және математика» ббб мәжілісінде қаралды
жүктеу/скачать 6,14 Mb.
|
umkd gpz
- Бұл бет үшін навигация:
- Тәуелсіз сипаттамаларды жалпылау әдісі
- 4.3 Педагогикалық тестілеу Тест
| Педагогикалық консилиум (Ю.К.Бабанский бойынша) педагог-экспериментатордың немесе сынып жетекшісінің басшылығымен, осы сыныпқа сабақ беретін барлық мұғалімдердің, ал қажет болған жағдайда қоғамдық ұйымдар басшыларының, сыныптың ата-аналар комитетінің, мектеп дәрігерінің, психологтардың және т. б. қатысуымен, өткізілетін оқушылардың сипаттамаларын ұжымдық талқылау болып табылады. Бұл кеңестің мақсаты – оқушының қандай да бір қасиеттерінің сипаттамасы туралы түрлі пікірлерді салыстыру, жеке тұлғаның белгілі бір қасиеттерінің қалыптасу деңгейін анықтау (жоғары, орта, төмен), анықталған кемшіліктердің ықтимал себептерін талқылау және одан кейін оның тәрбиесіндегі, білімі мен дамуындағы анықталған кемшіліктерді түзету үшін, оқушыға жеке тәсіл мен ұжымдық шараларды белгілеу.
Педагогикалық консилиум педагогтардың пікірлерімен бетпе-бет келеді, дәлелдерді іздейді, жеке тұлғаның тәрбиесінің күшті және әлсіз жақтарын тереңірек түсінуге, анықталған құбылыстардың басты себептерін ұжымдық бағалауға мәжбүрлейді. Оның педагогикалық эксперимент нәтижелерінің объективтілігін арттыруда маңызы зор. Бірнеше зерттеу әдістерін қолдану нәтижесінде, экспериментатор эксперименттік және бақылау сыныптары оқушыларының қандай да бір қасиетінің эксперимент басында қандай деңгейде болғандығын көрсететін оқушылардың бастапқы сипаттамасын (сөздік, схемалық, графикалық) жасау мүмкіндігін алады. Сонымен бірге осы сынып, ұжым, мұғалімдер немесе тәрбиешілер құрамы жұмыс істейтін мектеп-гигиеналық, оқу-материалдық, моральдық-психологиялық және басқа да жағдайларды арнайы сипаттау қажет. Тәуелсіз сипаттамаларды жалпылау әдісі (К.К. Платонов бойынша) әр түрлі көздерден – мұғалімдер, ата-аналар, құрдастардан экспериментаторға түскен ақпаратты орташалаудан тұрады. 4.3 Педагогикалық тестілеу Тест – сыналушыға оның жеке сипаттамаларын өлшеу (диагностикалау) мақсатында қойылатын сұрақтар мен тапсырмалар жиынтығы. Тест дұрыс жауаптар саны бойынша реттік (немесе тіпті аралық) шкаламен бағаланады. Тест әдісі, анкеталық сауалнамамен салыстырғанда, объективті және нақты деректерді алуға мүмкіндік береді, нәтижелерді математикалық өңдеуді жеңілдетеді. Алайда, тестілеу сапалы талдау тереңдігі бойынша басқа әдістемелерден артта қалады, себебі ол сыналушыларды түрлі өзін-өзі көрсету мүмкіндіктерінен айырады. Тестке қойылған бақылау бағдарламасы жаһандық, жалпы мемлекеттік мәртебеге (стандартталған тест) немесе жергілікті, дербес мәртебеге (стандартталмаған тест) ие болуы мүмкін. Тестіні стандарттау бірыңғай мазмұнды, тест тапсырмаларын өткізу және бағалаудың бірыңғай рәсімін құруды көздейді. Мұндай тест қатаң ғылыми-әдістемелік негізде құрылады және көп рет сынақтан өткізіліп, тексеріледі. Содан кейін тест қандай да бір сапаны бағалаудың аралық шкаласы ретінде қабылданады (және стандартталған деп аталады). Жаппай педагогикалық эксперимент тәжірибесінде бейімделген (стандартталған тесттің өзгерген түрі) және мұғалімдер мен әдіскерлер дербес әзірлейтін тесттер қолданылады. Сондықтан оларды қолдану нәтижелеріне шектеулі түрде сенуге болады. жүктеу/скачать 6,14 Mb. Достарыңызбен бөлісу:
|