Пікір беруші, филология ғылымдарының докторы, С

258 
Сабақтың 
ортасы 
- 
«Болыс» деген кім? 
- 
Қазіргі заманда болыс деп кімдерді айтамыз? 
1-
тапсырма. 
Өлеңді мұқият оқып, ұнаған бөлігін 
жазып алып, кейін сол бөліктің мазмұнын 
ашыңыздар. 
Бізге ұнаған өлең 
үзіндісі 
Себебі 
 
 
 
Үлгі: 
Бізге ұнаған өлең
үзіндісі 
Себебі 
...Бұрынғыдай дәурен 
жоқ,
Ұлық жолы тарайды.
Өтірік берген қағаздың
Алды-артына қарайды.
Өз қағазы өз көзін
Жоғалтуға жарайды. 
Тауып алып жалғанын... 
Өтірік, жағымпаздық 
мұрат емес, уақыт 
ағымына сай басқару 
жүйесінің өзгеріске 
ұшырап, шындық 
жолын ұстанған 
адамдардың билік 
басына келетіні...
 
2-
тапсырма. «Ақылды елшілер» әдісі 
Әр топтан өз тапсырмасын басқа топтарға 
түсіндіретін елші тағайындайды. Уақыт аяқталған 
соң, әр топ не түсінгендерін айтып шығады, 
талдайды. 
І топ:
«Болыс болдым мінеки» өлеңіндегі малын 
шашып, болыс болған пенденің әлеуметтік-
психологиялық кескіні. 
ІІ-топ: 
Болыс пен ояздың ұқсастықтары мен 
айырмашылықтары. 
ІІІ-топ: 
Жаңадан болыс болған адамның болыстық 
мансапқа жету жолы 
 
Сабақтың 
соңы 
«Тірек сөздер» әдісі 
 
 
 
 
 
 
 
 
 
 
 
РЕФЛЕКСИЯ. «Жетістік баспалдағы» әдісі 
Сәйкес баспалдаққа стикерлеріңізді жапсырыңыз. 
Стикерлер 
Болыста болу керек 
қасиеттер 

259 
ҚОСЫМША 
«Болыс болдым мінеки» өлеңі 
Болыс болдым мінеки, 
Бар малымды шығындап. 
Түйеде қом, атта жал 
Қалмады елге тығындап. 
Сөйтсе-дағы елімді 
Ұстай алмадым мығымдап. 
Күштілерім сөз айтса, 
Бас изеймін шыбындап. 
Әлсіздің сөзін салғыртсып, 
Шала ұғамын қырындап. 
Сыяз бар десе жүрегім 
Орнықпайды суылдап. 
Сыртқыларға сыр бермей, 
Құр күлемін жымыңдап. 
Жай жүргенде бір күні, 
Атшабар келді лепілдеп: 
«Ояз шықты, сыяз бар», 
«Ылау» деп, «үй» деп дікілдеп. 
Сасып қалдым, күн тығыз, 
Жүрек кетті дүпілдеп. 
Тыңтуяқ күнім сүйтсе де, 
Қарбаңдадым өкімдеп. 
Старшын, биді жиғыздым: 
«Береке қыл» деп, «бекін» деп, 
«Ат жарамды, үй жақсы 
Болсын, бәрің күтін» деп. 
Қайраттанып халқыма 
Сөз айтып жүрмін күпілдеп: 
«Құдай қосса, жұртымның 
Ақтармын осы жол сүтін» деп, 
Қайраттысып, қамқорсып, 
Сайманымды бүтіндеп... 
Оңашада оязға 
Мақтамаймын елімді, 
Өз еліме айтамын: 

260 
«Бергенім жоқ,- деп,- белімді». 
Мақтанамын кісімсіп, 
Оязға сөзім сенімді. 
«Көрсеттім» деймін, ымдаймын 
Кәдік қылар жерімді. 
Сөз көбейді, ұлғайды, 
Мақтанның к... көрінді. 
Қазақты жеген қайратты «ер», 
Ұрынды да берінді. 
Әрлі-берлі тартысып, 
Ісі арамы жеңілді. 
Алқыны күшті асаулар 
Ноқтаға басы керілді. 
Үлкен-кіші ақының 
Бәрі сөз боп терілді. 
Қайрауы жеткен қатты би 
Қайрылып нетсін көңілді. 
Өз малым деп қойған мал 
Иесіне берілді. 
Ақылы жандар қамалап, 
Кептірді сонда ерінді. 
Арызшылар көбейді, 
Болыстың к... шөмейді, 
Қайтсін байғұс демейді. 
Бір кептірмей терімді, 
Күн батқанша шабамын 
Әрлі-берлі далпылдап. 
Етек кеткен жайылып 
Ат к... не жалпылдап. 
Оязға жетсін деген боп, 
Боқтап жүрмін барқылдап. 
Кейбіреуге таяғым 
Тиіп те кетті бартылдап. 
Пысықтың көбі бұғып жүр, 
Беттесе алмай шаңқылдап. 
Ашылып омырау, күн ыстық, 
Қойын кетті алқылдап. 
Елі жөнді болыстар 
Мақтанып жүр тарқылдап. 
Күлкісі жақсы қарқылдап, 
Үні бөлек сартылдап. 
Сөйлесе кетсе бір жерде, 
Ағыны қатты аңқылдап. 
Оязға кірсе, өзгеден 

261 
Мерейі үстем жарқылдап. 
Елің бұзық болған соң, 
Ояз жатыр шартылдап. 
Табаныңнан тозасың, 
Құр жүгіріп тарпылдап. 
Антұрғанмын өзім де, 
Бір мінезбен өтпеймін. 
Момындық күшті екенін 
Көрсем-дағы, күтпеймін. 
Сыяздан соң елімді 
Қысып алып кетпеймін. 
Әуелде к... бос кәпір, 
Мықтыға не қып беттеймін? 
Жуанды қойып, жуасты 
Біраз ғана шеттеймін. 
Ояз бардағы қылықты 
Ояз жоқта етпеймін. 
Кәкір-шүкір, көр-жерді 
Пайда көріп ептеймін. 
Мынау арам, тентек деп, 
Еш кісіні теппеймін. 
Өзімдік бол деп ел жиып, 
Құрастырып, септеймін. 
Бұзақының бүлігін 
«Жақсы ақыл» деп, «құп» деймін. 
Сүйегім жасық, буын бос, 
Біраз ғана айлам бар. 
Айлам құрсын, білемін – 
Болыстықтың жолы тар. 
Қайтіп көмек болады 
Антұрған өңкей ұры-қар? 
Көргенім әлгі, ойлашы, 
Ұят, намыс, қалды ма ар? 
Ендігі сайлау болғанда, 
Түсе ме деп тағы шар, 
Бұл күніме бір күні 
Боламын ғой деймін зар. 
Ақыл айтар туғандар, 
Бұл сөзімді ойлаңдар. 
Кәтелешке көбейді, 
Сөгіс естіп, тозды ажар. 
Мынау елді ұстарлық 

262 
Кісі емеспін, кел, құтқар! 
Қолдан келмес қорлыққа 
Неге болдым мұнша іңкәр? 
Ел жайылды, жетпей ме, 
Оязға да бір хабар? 
Тағы бүйтіп кеттің деп 
Қозғау салар, қолға алар. 
Қатты қысым қылған соң, 
Басым сотқа айналар. 
Кірлі болып түскен соң, 
Көрген күнім не болар? 
Өзіне мәлім, тентектер 
Өз бетімен не табар? 
Қағаз берер, қарманар, 
Аяғында сандалар. 
Бұрынғыдай дәурен жоқ, 
Ұлық жолы тарайды. 
Өтірік берген қағаздың 
Алды-артына қарайды. 
Өз қағазы өз көзін 
Жоғалтуға жарайды. 
Тауып алып жалғанын, 
Қылмысыңды санайды. 
Өзі залым закүншік 
Танып алды талайды, 
Көрмей тұрып құсамын 
Темір көзді сарайды. 
Абай «Шығармаларының екі томдық толық жинағы»,
І том, Алматы, «Жазушы» 2002 ж. 

жүктеу/скачать 8,8 Mb.

Достарыңызбен бөлісу: