Практика өткен мекемеге немесе шаруашылыққа қысқаша сипаттама



бет9/11
Дата27.10.2022
өлшемі80,21 Kb.
#45768
1   2   3   4   5   6   7   8   9   10   11
9 Патологиялық анатомия

Майлы дистрофия жиі дамиды. Липидтер алмасуының бұзылысы олардың жинақталуымен немесе жеткіліксіздігімен көрінеді. Жасушаларда липидтердің барлық кластары: үшглицеридтер, холестерин эфирлері, фосфолипидтер бар. Кейбір жинақталу генетикалық ауруларында (Гоше ауруы – көмірсулар мен липидтердің аномалиялық кешендерінің аккумуляциялануы). Көбінесе, майлы дистрофия бауырда (стеатоз), жүректе, бұлшықеттерде және бүйректерде кездеседі. Бауырдың майлы дистрофиясы


Бауыр стеатозы алкоголизм, қант диабеті, гипоксия, токсинді әсерлер, тамақтанудың бұзылысы (тағамда ақуыздың жетіспеушілігі) кезінде байқалады. Бұл кезде бауырдың пішіні ұлғайған, солғын, арасын кескенде сары түсті, май қағымен сипатталады. Қақпа венасының қанында липидтер мөлшерінің жоғарылауы кезінде алғашқы және көбірек майлы қосылыстар үлестердің перифериялық бөлімдерінде пайда болады (ірі тамшылы майлылық), ал тым ұсақ орталықта (орташа ұсақ тамшылы майлылық). Гипоксия кезінде липидтер алдымен үлесшелердің ортасында жинақталады.
Липидтердің шағын мөлшерде жинақталуы бауыр қызметіне әсер етпейді, олардың көрсетілген аккумуляциясы жасуша ішілік үрдістерді қайтымсыз зақымдауы мүмкін. Миокардтың майлы дистрофиясы
Миокардтың майлы дистрофиясы гипоксия (қан аурулары, жүрек қантамыр жеткіліксіздігі, интоксикация (алкоголизм, жұқпалы аурулар, мышьякпен, фосформен улану кездерінде) салдарынан туындайды. Миокард дистрофиясының даму механизмі, токсин немесе гипоксия әсерінен, майлы қышқылдарының тотығуы бұзылысымен байланысты (әсіресе, дифтерия кезінде) (дисктен қараңыз).
Миокардтың майлы дистрофиясының ерекшеліктеріне зақымданудың ұсақ тамшылы және ошақты сипаты жатады. Микроскопиялық зерттеуде сол қарыншаның эндокарды астында, әсіресе, трабекулалар мен емізікшелі бұлшықеттер аймағында, сары ақ сызықтар көрінеді, бұл миокардты жолбарыс терісімен салыстыруға негіз болды («жолбарыс жүрегі»). Микроскопиялық зерттеулерде липидтердің шаң тәрізді қосылыстары венулалар жолымен кардиомиоциттерде табылады. Миокардтың жиырылу қабілеті төмендейді.
Бүйректердің майлы дистрофиясы
Бүйректерде майлы дистрофия нефроздық синдром мен созылмалы бүйрек жеткіліксіздігі кезінде кездеседі.
Бейтарап майлардың алмасу бұзылыстары
Бейтарап майлар алмасуының бұзылысы майлы депода олардың мөлшерінің жоғарылауымен немесе азаюымен көрінуі мүмкін.
Семіздік - жалпы сипатқа ие, майлы депода бейтарап майлар санының ұлғаюы (дисктен қараңыз).
Кез-келген генезді семіру кезінде жүректі май басу үлкен клиникалық мәнге ие. Жүрек пішіні ұлғайған, эпикард астындағы май мөлшері жоғарылаған, май тіні жүректі қап ретінде қамтып, миокард стромасына өседі, бұл бұлшықет талшықтарының атрофиясына әкеледі. Жүректің оң жағында семіздік көбірек байқалады. Клиника жүзінде жүрек жетіспеушілігі дамиды, сирек жағдайларда оң қарыншаның ыдырауы мүмкін.
Жалпы семіздіктің антиподы әлсіреу (кахексия) болып табылады, оның негізінде дене ұлпаларының және мүшелерінің жалпы атрофиясы жатыр.




Достарыңызбен бөлісу:
1   2   3   4   5   6   7   8   9   10   11




©emirsaba.org 2024
әкімшілігінің қараңыз

    Басты бет