147-бап.Алимент төлеу туралы келісім бойынша төленетін алименттің мөлшері 1. Алимент төлеу туралы келісім бойынша төленетін
алименттің мөлшерін тараптар сол келісімде белгілейді.
2. Кəмелетке толмаған балаларға алимент төлеу жөніндегі
келісім бойынша белгіленетін алименттің мөлшері олардың сот
тəртібімен алимент өндіріп алған жағдайда алатын алименттің
мөлшерінен төмен болмауы керек (осы Заңның 125-бабы).
148-бап. Алимент төлеу туралы келісім бойынша алимент төлеудің əдістері мен тəртібі 1. Алимент төлеу туралы келісім бойынша алимент төлеудің
əдістері мен тəртібі сол келісіммен белгіленеді.
2. Алименттің алимент төлеуге міндетті адам табысына жəне
(немесе) өзге де кірісіне үлес есебімен; дүркін-дүркін төленіп
тұратын тұрақты ақша сомасымен; бір жолғы төленетін тұрақты
ақша сомасымен; мүлік беру жолымен, сондай-ақ келісімде қол
жеткеніне қарай өзге де əдістермен төленуі мүмкін.
Алимент төлеу туралы келісімде алимент төлеудің түрлі
əдістерін ұштастыру көзделуі мүмкін.
