Бұл типті абсорберлерде фазалар арасындағы тығыз беттесуге сұйықты газ ағынында әртүрлі тәсілдермен шашырату жолымен қол жеткізіледі.
Қуыс шашыратқыш абсорбер (62 суреті) корпусының үстіңгі бөлігінде сұйықты шашырату үшін форсункалар бар бағана болып табылады. Шашыратқыш абсорберлерде масса алмасудың көлемдік коэффициенттері форсункалардан алыстағанда тамшылардың коалесценциясы мен ыазалар беттесу бетінің кішіреюі салдарынан күрт төмендейді. Сондықтан, бұл аппараттарда форсункаларды әдетте бірнеше деңгейде орнатады.
Қуыс шашыратқыш абсорберлердің артықшылықтарына жатады: құрылысының қарапайымдығы, төмен гидравликалық кедергісі, ластанған газдармен жұмыс істеу мүмкіндігі, бақылау, тазалау және жөндеудің жеңіл болуы. Кемшіліктері: төмен эффективтілігі, сұйықты шашыратуға энергияның көп шығындалуы, ластанған сұйықтармен жұмыс істеудің қиындығы, тамшылар санын және сәйкесінше фазалар беттесу бетін үлкейту үшін абсорбенттің көп мөлшерінің шығындалуы, мәндері сұйықтың тамшыларының алынуымен шектелетін төмен мүмкін етілетін газ жылдамдықтары.
