Р. Әлмұханова, Е. Раушанов, Е. Омарханов Қазақ Әдебиеті
жүктеу/скачать 7,03 Mb. Pdf көрінісі
|
| Бесінші көрініс
Мэлис Әлібаевич, Асай Мүсеевич, Қошқарбай шығады. Бәрі де өте көңілді... Қошқарбай билеп, әндетіп келеді: Жасасын біздің қазақтар! Той жасағандар жасасын! Тойға барғандар жасасын! Той басқарғандар жасасын! Жасасын біздің қазақтар! Тойдан қайтқандар жасасын! Ат мінгендер де жасасын! Шапан кигендер жасасын! АСАЙ МҮСЕЕВИЧ. Мэлис Әлібаевич деймін, сіз болмасаңыз, пойыздан қалып қояды екенбіз... ҚОШҚАРБАЙ. Иә-иә, Мәкеңнің қырағылығының осы жолы өте пай- дасы тиді. (Саудагер әйел мен Билетсіз жолаушыны көріп). Ау, ағайын- дар... қазақтар, айтып жіберіңдерші, тоғызыншы вагон осы ма? САУДАГЕР ӘЙЕЛ. Иә-иә, осы вагон... Оны қайтейін деп едің, шыра- ғым?! 226 ҚОШҚАРБАЙ. Бір шаруам бар еді... (Мэлис Әлібаевичқа) Мәке, осы екен, осы вагон екен... САУДАГЕР ӘЙЕЛ. Шырағым, айқайламай ақырын сөйле... Жұрт ұйық- тап жатыр! ҚОШҚАРБАЙ (бұрынғыдан да бетер дабырлап ). Кешіріңіз, апасы! Бұл пойыз – «Қазақстан» пойызы болса, ол пойызда қазақтар айқайламағанда, кім айқайлайды? Қане, біреу бірдеңе деп көрсін, мойнын жұлып алайын! САУДАГЕР ӘЙЕЛ. Шырағым, мына түріңмен қазір прәбәдник келген соң, сорлайсың ғой! БИЛЕТСІЗ ЖОЛАУШЫ. Иә, мас адамдарды ит қосып қуам деген уәдесі бар... ҚОШҚАРБАЙ. Ха-ха. Бізді қуа ма?.. Мәке!.. Асеке!.. Естіп тұрсыздар ғой... Бізді қумақшы... Мәке дейім, әлгі сөзіңіз бар еді ғой... Өмір тура- лы... пойыз туралы – соны жалғастырып жіберсеңіз... МЭЛИС ӘЛІБАЕВИЧ. Иә-иә, сөйлегенде... ең алдымен айтарым, бола- шақта маған осы өзің сияқты жігіттер керек! (қиялдап) Асай Мүсеевич дейім, бір жағымда осы Қошқарбай сияқты жас, іскер жігіт жүрсе... бір жағымда сіз сияқты үлкен, ақылгөй ағалар болса – шіркін, мен талай нәр- сені бітірмеймін бе? АСАЙ МҮСЕЕВИЧ. Пожалыста, ақыл керек болса, қанша болса да, ай- тамыз ғой... Оған шама жетеді. МЭЛИС ӘЛІБАЕВИЧ. Сосын... менің жоспарым деген... Қазақстанды қалай өркендету керек... Қайтіп гүлдендіру керек. Осы жөніндегі жос- парым! Мұндай программа әлі ешкімде жоқ! Мысалы, елді басқару деген оңай шаруа емес... Оған, ең алдымен, философиялық тұрғыдан келу керек. АСАЙ МҮСЕЕВИЧ. Өте тауып айттыңыз! Біздің басшылардың филосо- фиядан түк хабары жоқ!.. Көбі содан құрып жүр... МЭЛИС ӘЛІБАЕВИЧ. Иә-иә, бұл ел деген... өмір деген... жалпы, өмір деген – ол пойыз сияқты... БИЛЕТСІЗ ЖОЛАУШЫ. Шырағым, пойызыңды қоя тұршы!.. Мен сені бір жерден көрдім ғой деймін... Жүзің сондай таныс... ҚОШҚАРБАЙ. Бұл кісіні жалғыз сіз емес, бүкіл Қазақстан таниды! МЭЛИС ӘЛІБАЕВИЧ. Иә-иә, таниды... сонымен менің айтайын де- генім – өмір дегеніңіз, шынымен, пойыз сияқты... САУДАГЕР ӘЙЕЛ. Пойыз сияқты болса, жетіседі екенбіз... Ешқандай билет сатпайды... ҚОШҚАРБАЙ. Туһ, шу-шу етпей, қоя тұрыңдаршы!.. Адамға сөз айт- қызбадыңдар ғой... 227 САУДАГЕР ӘЙЕЛ. Не айтатыны белгілі емес пе... МЭЛИС ӘЛІБАЕВИЧ. Иә-иә... ҚОШҚАРБАЙ. Мәке!.. Мәке, өте жақсы!.. Керемет айттыңыз! (әндетіп). Жасасын біздің қазақтар! Асыл ағайлар жасасын!.. Жолсерік келіншек шығады. ЖОЛСЕРІК КЕЛІНШЕК. Бұл не шу? Жұрт ұйықтап жатқанда, неге шулайсыңдар? МЭЛИС ӘЛІБАЕВИЧ. О, келдіңіз бе? Біз сіздерге қонақ болып... апыр- май, өзіңіз бір әдемі бала екенсіз!.. АСАЙ МҮСЕЕВИЧ. Иә-иә, сондай... Үріп ауызға салғандай... ҚОШҚАРБАЙ (әндетіп) . Жасасын сұлу әйелдер! Әсем әйелдер жасасын! Жасасын жақсы әйелдер! Қыз-келіншектер жасасын!.. ЖОЛСЕРІК КЕЛІНШЕК. Бұл – пойыз! Үкіметтің пойызы! Қане, табан- дарыңды жалтыратыңдар!.. Шагом марш!.. МЭЛИС ӘЛІБАЕВИЧ. Қарындас!.. Азаматша проводник, сіз байқап сөй- леңіз! АСАЙ МҮСЕЕВИЧ. Иә-иә, сөйтіңіз! Беті жылтырап, әдемі сияқтанған- мен, тілі жаман ғой мынаның! ЖОЛСЕРІК КЕЛІНШЕК. Мен сіздерге кетіңіздер деп тұрмын!.. Өз ва- гондарыңызға барыңыздар!.. МЭЛИС ӘЛІБАЕВИЧ. Кешіріңіз!.. Кешіріңіз, қарындас!.. Егер вагоны- мыз осы болса, сонда қайда кетуіміз керек! АСАЙ МҮСЕЕВИЧ. Иә-иә. Осы вагон... мынау – купе. жүктеу/скачать 7,03 Mb. Достарыңызбен бөлісу:
|