Редакциясын басқарған Ғ. М. Мұтанов
жүктеу/скачать 3,06 Mb. Pdf көрінісі
|
| §16
ӘЛ-ФАРАБИ АТЫНДАҒЫ ҚАЗҰУ-ДЕ АТАУЛЫ ШӘКІРТАҚЫ ТАҒАЙНДАУ ТӘРТІБІ ТУРАЛЫ ЕРЕЖЕ 1. Жалпы ереже 1 . Ереже 2007 жылдың 27 шілдесіндегі ҚР «Білім беру туралы» заңы, әл-Фараби атындағы Қазақ ұлттық университетінің Жарғысы және әл-Фараби атындағы Қазақ ұлттық университетінің ішкі тәртіп Ережелері негізінде жасалды. 2. Әл-Фараби атындағы ҚазҰУ-дың атаулы шәкіртақысы күндізгі бөлімде оқитын қабілетті студенттерді, магистранттарды ынталандыруға арналған. Олар сәйкес білім бағдарламамларын жақсы меңгерген, ғылыми зерттеу жұмыстарын жүргізетін, университеттің көркем өнерпаздар ұйымына, мәдени-бұқаралық жұмыстарға белсенді қатысатын, тек қана «өте жақсы» және «жақсы» бағаға ие болған білім алушылар. 3. Әл-Фараби атындағы ҚазҰУ-дың атаулы шәкіртақысы университеттің бюджеттен тыс қаражаты есебінен немесе басқа ұйымдар мен қорлардың есебінен оқу жылы бойы атаулы шәкіртақы тағайындау туралы бұйрықтан кейін айдың 1 күнінен бастап беріледі, егер университет ректорының немесе университеттің Ғылыми Кеңесінің шешімінде басқа шарттар келтірілмесе. 2. Атаулы шәкіртақы түрлері 4. Атаулы шәкіртақының 5 түрі тағайындалады. 5. Ө.А. Жолдасбеков атындағы үш шәкіртақы - 1 семестр мерзіміне оқу озатының бір айлық мемлекеттік шәкіртақысына тең (мемлекеттік шәкіртақы +15%) көлемде беріледі, оның ішінде: - гуманитарлық бағыттағы мамандықтар бойынша білім алушылар үшін біреу; - жаратылыстану бағыттағы мамандықтар бойынша білім алушылар үшін біреу; - «Механика» мамандығы бойынша білім алушылар үшін біреу. 6. А.З. Закарин атындағы бір шәкіртақы механика-математика факультетінің студенті үшін 1 семестр мерзіміне оқу озатының бір айлық мемлекеттік шәкіртақысына тең (мемлекеттік шәкіртақы +15%) көлемде беріледі. 7. Әл-Фараби атындағы ҚазҰУ-дың I дәрежелі бір шәкіртақы 1 семестр мерзіміне оқу озатының бір айлық мемлекеттік шәкіртақысына тең (мемлекеттік шәкіртақы +15%) көлемде көркем өнерпаздар ұйымына, мәдени-бұқаралық жұмыстарға белсенді қатысатын студентке беріледі. 8. Әл-Фараби атындағы ҚазҰУ-дың IІ дәрежелі екі шәкіртақы 1 семестр мерзіміне бір айлық мемлекеттік шәкіртақысына тең көлемде көркем өнерпаздар ұйымына, мәдени- бұқаралық жұмыстарға белсенді қатысатын студенттерге беріледі. 9. Әл-Фараби атындағы ҚазҰУ-дың IІІ дәрежелі үш шәкіртақы 1 семестр мерзіміне бір айлық мемлекеттік шәкіртақысының жартысына тең көлемде көркем өнерпаздар ұйымына, мәдени-бұқаралық жұмыстарға белсенді қатысатын студенттерге беріледі. жүктеу/скачать 3,06 Mb. Достарыңызбен бөлісу:
|