Реферат «Қазақстанның елтану сипаттамасы»
Саяси-географиялық сипаттама
жүктеу/скачать 265,37 Kb.
|
Елтану сипаттамасы
| 7. Саяси-географиялық сипаттама
Конституцияға сәйкес Қазақстан – президенттік басқару нысанындағы біртұтас мемлекет, оның үш тәуелсіз билігі: атқарушы, заң шығарушы және сот билігі бар. Қазақстан Республикасының Президенті – мемлекет басшысы 5 жылға сайланады. Атқарушы билікті Қазақстан Республикасының Үкіметі жүзеге асырады. Үкімет атқарушы органдар жүйесін басқарады және олардың қызметіне басшылық жасайды. Үкіметті Конституцияда белгіленген тәртіппен Қазақстан Республикасының Президенті құрады. Заң шығару билігін қос палаталы парламент жүзеге асырады. Парламент. Қазақстан Республикасы заң шығару функцияларын жүзеге асыратын Республиканың ең жоғары өкілді органы болып табылады. Парламент тұрақты негізде жұмыс істейтін екі палатадан: Сенаттан және Мәжілістен тұрады. Сенатты конституциялық заңда белгіленген тәртіппен әр облыстан, республикалық маңызы бар қаладан және Қазақстан Республикасының астанасынан екі адамнан өкілдік ететін депутаттар құрады. Сенаттың он бес депутатын Сенатта қоғамның ұлттық, мәдени және өзге де маңызды мүдделерінің өкілдігін қамтамасыз ету қажеттілігін ескере отырып, Республика Президенті тағайындайды. Мәжіліс конституциялық заңда белгіленген тәртіппен сайланатын жүз жеті депутаттан тұрады. Парламент депутаты бір мезгілде екі палатаның да мүшесі бола алмайды. Сенат депутаттарының өкілеттік мерзімі – алты жыл, Мәжіліс депутаттарының өкілеттік мерзімі – бес жыл. Заң шығарушы тармақты президент тиімді бақылайды. Үкімет президент алдында есеп береді. Сот билігін Конституциялық сот және жергілікті соттар жүйесі жүзеге асырады. Қазақстан Республикасында сот төрелігін тек сот жүзеге асырады. Республиканың сот жүйесі Республика Конституциясымен және конституциялық заңмен белгіленеді. Сот билігі Қазақстан Республикасының атынан жүзеге асырылады және оның мақсаты азаматтар мен ұйымдардың құқықтарын, бостандықтары мен заңды мүдделерін қорғауды, Конституцияның, заңдардың, өзге де нормативтік құқықтық актілердің, Қазақстан Республикасының халықаралық шарттарының орындалуын қамтамасыз ету болып табылады. жүктеу/скачать 265,37 Kb. Достарыңызбен бөлісу:
|