Реферат тақырыбы: Аймақтық геологияны зерттеу №

Тақырыбы: Аймақтық геологияны зерттеу _____________________________________________

Аймақтық геология – жер қыртысының жекелеген аудандарын (континенттерді, құрылымдық жүйелерді, платформаларды немесе олардың бөліктерін, т.б.) зерттейтін геология ғылымының арнаулы саласы.

Аймақ шегінде шөгінді, метаморфтық және магмалық геологиялық кешендер және оның дамуының негізгі кезеңдері зерттеледі. Бөлінген кешендер үшін жату шарттары, қатынастар, уақыт пен кеңістіктегі кешендердің қалыптасу реттілігі, палеогеодинамикалық жағдай белгіленеді. Аталған зерттеулердің нәтижелері бойынша өңірдің геологиялық тарихы қалпына келтірілуде. Аймақтың жеке ерекшеліктерін анықтаудан басқа, әр түрлі аймақтардың бір жастағы құрылымдық бірліктерінің жалпы белгілері белгіленеді.

Кенорынын игеру жер қойнауын геологиялық зерттеу қорытындылары мен тығыз байланысты. Өнеркәсіптік маңызы бар кенорынын ашу көп еңбектенуді қажет етеді. Ол үшін алдымен ауданның, облыстық жалпылама геологиялық құрылысы зерттелінеді, ондағы жер қойнауындағы пайдалы қазбаның қай түрінің бар-жоғы анықталады, перспективті бөлікшелер бөлініп, олар көлемінде қазіргі заманғы әдістерді қолданып іздеу жүргізу арқылы пайдалы қазбалардың сапасын және мөлшерін анықтайды. Геолого-экономикалық бағалау процесі кезінде мұндай кен білімдерінің басым көпшілігі жарамсыз болып есептен шығарылады, өнеркәсіптік маңызы барға бір-екеуі ғана жатқызылады. Осы геологиялық зерттеу әдістерінің қатарында “Аймақтық геологиылық зерттеу” әдісі.
Аймақтық геологиялық зерттеулер елді аймақты жүйелі геологиялық зерттелуінің іргетасын қалайтын комплексті геологиялық және пайдалы қазбалардың болу-болмауын болжауға қажетті ақпараттар алу үшін жүргізіледі. Аймақтық геологиялық зерттеулердің қорытындысы мынандай масштабты ақпараттық құжат түрінде беріледі. Олар масштабы 1:1000 000 (1:500 000), 1:200 000 (1:100 000 және 1:50 000 (1:25 000) геологиялық карталар. Мұнда 1:1000 000 -тан 1:200 000 дейінгі аралығындағы карталар мемлекеттікке жатады. Ол жобаланған топаграфиялық планшет номенклатурасы көлемінде толығымен бюджет есебінен қаржыландырылады.
1:50 000 (1:25 000) масштабты жұмыстар кішігірім аудандар мен құрылымдар көлемінде пайдалы қазба кенорындарын табуға немесе табиғатты қорғау мақсаттында жүргізіледі. Мұндай масштабты геологиялық түсірулер кезінде анықталуы тиіс:
1) кенорындардың тура және жанама белгілері таралған бөлікшелер;
2) геохимиялық аномалиялардың геологиялық тегі;
3) болашағы бар геологиялық зоналар, аудандар, телімдер ж.т.б. геологиялық шекаралары анықталады.
Бұл жұмыстар мемлекеттік бюджет арқылы да, жер қойнауын пайдаланушылар қаржысы көмегімен де жүргізіле береді.

Өңірлік геологиялық зерттеулер пайдалы қазбалардың неғұрлым маңызды және тапшы түрлері бойынша іздеу нысандарының қорын қайта құруға және толтыруға бағытталған. Зерттеу мақсаты, жүйелі геологиялық зерттеулер мен карта құрастыру болып табылады. Ал нысандарына келетін болсақ, геологиялық облыстар мен аудандарды қамтиды.