Құрметті білім алушылар! Қазақстан Републикасы Ғылым және жоғары білім министрлігі 25 қазан - Республика күніне орай «Менің арманымдағы Қазақстан» тақырыбына эссе жазу конкурсын жариялайды. Конкурс жастардың азаматтық ұстанымын дамытуға және олардың ел болашағы үшін жауапкершіліктерін арттыруға мақсатын көздейді.
Конкурс екі кезеңнен тұрады: университетішілік және республикалық.
Осы орайда, біз Сіздерді университетте өтетін алғашқы кезеңнің қатысушысы болуға шақырамыз.
Конкусқа эссе жұмыстарын 2022 жылғы 15 қазан сағат 18:00-ге дейін vospitatel@kaznaru.edu.kz электрондық поштасына немесе баспа түрінде 1А корпусы, №18 кабинетке тапсыруға болады.
Эссеге қойылатын талаптар:
Көлемі: 2-3 бет (2,5 беттен кем емес, 3 беттен артық емес);
Эссе білім алушының қалауы бойынша қазақ, орыс немесе ағылшын тілдерінде жазылады;
Эссе Word мәтіндік редакторында, 1,0 интервал, 14 кегльмен дайындалады;
Қанатты сөздер, басқа тұлғалардың ой-пікірлері қолданылған жағдайда дереккөздерінде көрсетілуі тиіс;
Қатысушының аты-жөні, білім беру бағдарламасы, курс, тобы, байланыс телефоны, электрондық поштасы көрсетілуі керек.
Бірінші кезең жеңімпаздары бағалы сыйлықтармен және дипломдармен марапатталады.
Ең үздік деп танылған 1 жұмыс республикалық кезеңге жіберіліп, авторы Астана қаласында өтетін марапаттау рәсіміне қатысатын болады.
Конкурс туралы Ережемен сайтта танысуға болады.
Құрметті білім алушылар! Қазақстан Републикасы Ғылым және жоғары білім министрлігі 25 қазан - Республика күніне орай «Атамекен» диктант жазу конкурсын жариялайды.
Осы орайда, 2022 жылдың 14-15 қазаны күні жалпыуниверситеттік диктант жазу конкурсы өтеді, барлықтарыңызды осы шараға белсенді қатысуға шақырамыз.
Диктант қазақ/орыс тілдерінде «Қазақ және орыс тілдері» кафедрасы профессор-оқытушылар құрамының ұйымдастыруымен жүргізіледі.
Университеттің қазылар алқасы 2022 жылдың 17 қазанында жеңімпаздарды анықтайды.
Жеңімпаздар бағалы сыйлықтармен және дипломдармен марапатталады.
