Бұл ойын оқушыларға психологиялық жағымды ахуал орнатады, сонымен қатар бүгінгі сабаққа қажетті алдыңғы білімдерін еске түсіреді. Топтық жұмыс түрінде ұйымдастыруға болады.
Сабақтың күтілетін нәтижесімен таныстыру: – Балалар, сендер бүгін сюжетті сурет бойынша әңгіме құрайсыңдар. Құраған әңгімелеріңнен сөйлемді, сөйлемнен жаңа үйретілетін дыбысы бар сөзді бөліп аласыңдар. Бөлініп алынған сөзге дыбыстық талдау жасайсыңдар. «О» дыбысының айтылу ерекшелігін білесіңдер. Оны дауысты, дауыссызға ажыратасыңдар.
«О о» дыбысының таңбасы – оның әрпімен танысасыңдар.
«О о» әрпін көркем жазып үйренесіңдер. (МК, Ұ) Дыбыстық талдау дағдыларын дамыту жұмысы. 1. Сурет мазмұны бойынша әңгіме құрау:
а) Сұрақ қою және оқушылар жауабының дұрыс және толық болуын қадағалау:
Апа қайда от жақты?
– Апа ошаққа от жақты.
Ол не пісірді?
Ол бауырсақ пісірді.
Күтілетін нәтижені балалармен мұқият тыңдайды.
Оқушылар сюжетті сурет бойынша әңгіме құрайды: «Апа ошаққа от жақты. Ол бауырсақ пісірді. Бауырсақ өте дәмді».
Әңгіме құрамындағы сөйлемдер санын анықтайды.
«Апа ошаққа от жақты» сөйлемінде неше сөз бар екендігін анықтайды.
Өтілетін жаңа дыбысы бар «ошақ» сөзіне дыбыстық талдау жасайды: алдымен «о-шақ» деп буынға бөледі.
ә) Сұраққа жауап болған сөйлемдерден әңгіме құрау: Апа ошаққа от жақты. Ол бауырсақ пісірді. Бауырсақ өте дәмді.
Әңгіменің неше сөйлемнен тұратынын анықтау.
Қажетті сөйлемді (Апа ошаққа от жақты) бөліп алып, оны сөздерге (Апа, ошаққа, от, жақты) ажырату.
Өтілетін жаңа дыбысы бар «ошақ» сөзін бөліп алып, дыбыстық талдау жасау.