Егер концерт əртүрлі жанр мен стильдегі нөмірлерден тұратын болса, онда басында классикалық шығармалардан бастап, біртіндеп заманауи эстрадалық музыкаға көшуге болады. Қатарынан бір типтік нөмірлерді (мысалы, бір нақышта орындалатын əндер) қоюға болмайды. Қатты дыбыста сүйемелденетін, көпшілікпен орындалатын нөмірден кейін, бір адам орындайтын нөмірді қоюға болмайды. Оның орнына, мысалы, ансамбльмен (квартет, трио) орындалатын нөмір қойылады.
Концертке қатысушылардың жасын ескеру керек. Концерттің басында кіші жастағы балалар, ал аяғында ересек оқушылар шығады.
Ойын. «Су – ырыстың көзі» концерті (суырыпсалма ойын) Бұл ойын оқушылардың сабақ бойынша білген, үйренген дағдыларының сапасын көруге жəне алған білімдерін тереңдетуге арналған. Ойын топтық жұмыс түрінде өткізіледі.
М./О. Мұғалім оқушыларды ойынының шартымен таныстырады. Сыныпты (бала саны жеткілікті болса) төрт топқа бөлінеді: «Классикалық музыка», «Халық музыкасы», «Балалар музыкасы», «Эстрадалық музыка». Əр топ аталған тақырыбына концерт бағдарламасын дайындайды.
Бірінші топ концерт мазмұнын классикалық музыкаға бағыттайды. Екінші топ – халық музыкасы, үшінші топ – балаларға арналған концерт, төртінші топ эстрадалық музыка бағытында жасайды.
Оқушылар жыл бойы өткен тақырыптар бойынша жəне аталған тақырыпта білетін əндер мен тыңдаған шығармаларды, тақпақ-өлеңдерді жəне т.бе. естерін түсіріп, концерттік бағдарламаны құрастырады. Концерт мазмұнына басқа пəндерде-өлеңдерді тақпақ-өлеңдерді, қызықты əңгімелерді, мақал- мəтелдерді, ғаламтор желісінің материалдарын да енгізуге болады.
Ұсыныс. Қосымша сабақ. М. Оқушыларға жарнама жасау жұмысын ұсынуға болады. Оны аталған тақырыпта, болмаса басқа бір тақырыпта, мысалы, «Балаларға арналған
классикалық музыка», «Балалар заманауи музыкасы» жəне т.б. құрастыруға болады.
