Сабақ тақырыбы 1000 саны көлеміндегі барлық амалдар. Оқу мақсаттары

5.1.1.2.Үш таңбалы сандарды оқу, жазу және салыстыру.

5.2.2.1. Қарапайым теңсіздіктердің шешімдер жиынын табу.

1000 көлеміндегі сандарды тура және кері санауды біледі.

1000 көлеміндетура және кері санау, оқу, жазу, салыстыру,

теңсіздік, көптеген теңсіздіктердің шешімі, сандар сәулесі.

Санды разрядты қосылғыштар қосындысы түріндегі байқау.

Мұғалім балалармен жанды және жансыз табиғат туралы не білетіндері жөнінде әңгіме жүргізеді.

Өзектендіруді ойын түрінде ұйымдастыруға болады. Тақтада сандар жазылған бұлт: 9, 0, 1; жауын тамшыларын 2, 6, 7 сандарымен; қарларды 4, 8, 3 сандарымен белгілеу. Балалардан бар сандардан қалай әртүрлі сан құруға болатынын сұрайды?

– Бүгін біз үш таңбалы санмен жұмыс жасаймыз. Олар туралы білетініміздің барлығын есімізге түсіреміз.

– Бұлттағы сандарды пайдаланып, құруға болатын сандарды атаңыз.(109, 901, 910, 190) (сандар магнитті тақтаға жабыстырылады).

• 
  Осы сандарда «0» қандай мағына береді? (Бір разрядтың жоқ екенін береді) Ең кіші санды атаңыз.
  

• 
  Осы санның разрядтық құрамын атаңыз. (1 жүздік, 0 ондық, 9 бірлік)
  

• 
  Ең үлкен санды атаңыз. (910) Бұл сандағы 0-дің орны қандай?
  

Қарлардағы сандарды пайдаланып, құруға болатын сандарды атаңыз(483, 438, 348, 384, 834, 843).

Сандарды өсу ретімен қойыңыздар.

• 
  Ең кіші санды атаңыз. (348)
  
• 
  Сіз құраған сандардың ұқсастығын табыңыз? (Олар үш таңбалы.)
  
• 
  Олар неге бұлай аталады? (Олар үш таңбадан тұратын сан.)
  
• 
  Үш таңбалы сан қандай разрядтардан тұратынын атаңыз. (жүздік, ондық, бірліктен).
  

Мұғалім оқулықтағы 1(а) - тапсырманы орындауды ұсынады. 1(б) –тапсырмасын орындамас бұрын мұғалім екінші бағандағы есептеуді басқаша қалай орындауға (жазуға) болатынын нақтылайды.

4 жүздік + 5 жүздік, 8 жүздік – 2жүздік.

Жүздікті де бірліктер мен ондықтарды санағандай санайды деген шешім шығады.

Оқушылар «жүздік» деген түсінікпен таныс, олар сандарды атайды және жазады. Атаулы аудандармен жұмыс жасау барысында өлшем бірліктерінің қатынасын еске түсіреді.

Толық жүздікпен бірге балалар қосу және азайту амалдарын іске асырады.

2-тапсырманы орындау кезінде мұғалім оқушылардан разрядтың не екенін сұрайды.

Разряд – бұл сандарды жазу кезіндегі цифрдың орны екенін айтады.

Оқушылар кестені оқулықтан қарап, берілген сандарды оқып, әр разрядтың бірлік санын атайды. Көп таңбалы сандарды оқу ережесін тапсырманы орындау кезінде қолданады. Презентацияны қолдануға да болады.

Үш таңбалы сандарды салыстыру (алгоритмі) ережесін есте сақтау үшін тәжірибелік жұмыс жүргізіледі. Оқушыларға үлестірмелі қима қағаздар таратылады. Оқушылар нәтижесін айта отырып, салыстыру алгоритмін құрайды: алдымен жоғарғы разрядтың бірліктерін салыстырады. Егер олар тең болса, содан кейінгі бірліктердің разрядтарын салыстырады.

4-тапсырманы жұппен орындайды. Оқушылар салыстырудыңтаңдап алынған таңбасын негізге ала отырып, үш таңбалы сандарды салыстырады.

Балалар бағалау критерийлері бойынша сабақтағы өз үлгерімдерін бағалайды:

-1000 көлеміндегі сандардың қалыптасуын түсіндім;

-1000 көлеміндегі сандарды тура және кері ретпен санай аламын;

-санның орнын натурал сандар қатарынан анықтай аламын;

-үш таңбалы сандарды оқып, жазып және салыстыра аламын;

-қарапайым теңсіздіктердің көптеген шешімдерін таба аламын.

Оқулықтағы үй тапсырмасы үшін ұсынылған №7(ә)-тапсырма жаңа тақырыпты пысықтау үшін міндетті болып табылады.