Өткен материал бойынша білімдерін тексеру және жаңа материалды меңгеруге дайындау. (5 мин.+2 мин.) Ауызша сұрақтар қою.
1. Екі айнымалысы бар сызықтық теңдеудің графигі не? 2. Оны салу үшін қанша нүкте салу жеткілікті? 3. Екі айнымалысы бар сызықтық теңдеудің шешімі деген не? 4. Графикті салмай-ақ координатасы берілген нүктенің екі айнымалысы бар сызықтық теңдеудің графигіне тиісті ме екенін қалай білуге болады? Әрбір оқушыға үш тапсырмадан тұратын карточкалар таратылып беріледі.Тапсырманы орындап болған соң, компьютерде «Жауап» атты файлды ашып, тексереді және өздерін бағалайды. Бұл олардың екініші бағалары.
Тілек жазылған жұлдызшаларды алып, бір-бірлерімен алмасады, қолдарындағы жұлдызшалардың түстеріне қарай топқа бөлінеді. Топтың атын қояды.
Ортасы 10 мин
Анықтама. Екі айнымалыдан тұратын теңсіздікті екі айнымалысы бар теңсіздік деп атайды.
Мысалы, 3x+7y>9; -2y+5x≤0; x2-6y≥0 екі айнымалысы бар теңсіздіктер болып табылады.
Екі айнымалысы бар теңсіздікті шешу берілген теңсіздікті дұрыс сандық теңсіздікке айналдыратын сандар жұбының жиынын табу немесе берілген теңсіздіктің шешімі жоқ екенін дәлелдеу болып табылады.
Екі айнымалысы бар теңсіздікті шешу үшін келесі алгоритмді қолданамыз:
теңсіздікке сәйкес функцияның түрін анықтаймыз;
жазықтықтың қай бөлігі теңсіздіктің шешімі болатынын анықтаймыз. Ол үшін жазықтықтың бір бөлігінен кез келген нүкте алып, оның координатасын берілген теңсіздікке қойып, дұрыстығын тексереміз.
