V. Қорытындылау. VІ. Бағалау. VІІ. Үйге тапсырма: §3.1.
11-сынып. Сабақ тақырыбы: §3.2.§3.3. Электромагниттік толқындар. Электромагниттік толқындарды шығару. Герц тәжірибелері.
Сабақ мақсаты: Оқушыларға электромагниттік толқындар, ашық жабық тербелмелі контурлар, Герц тәжірибелері туралы түсінік беру.
Оқушыларды өз бетімен ғылыми ой қорытындыларын жасай білуге жетелеу.
Жауапкершілікке, тиянақтылыққа, еңбекқорлыққа тәрбиелеу. Ғылыми дүниетанымын қалыптастыру.
Сабақ түрі: аралас
Сабақ әдісі: баяндау, сұрақ-жауап
Құрал-жабдықтар: компьютер, видеопроектор, видеокассеталар, слайдтар.
Сабақ барысы: І. Ұйымдастыру кезеңі. ІІ. Үй тапсырмасын тексеру. Фарадейдің қандай идеялары Максвелдің теориясында жалғасын тапты?
Құйынды электр өрісінің көзі неде?
Магнит өрісін тек қозғалыстағы зарядтар ғана емес, уақыт бойынша өзгеретін электр өрісі да тудыратынын қалай түсіндіруге болады?
Өткізгіштік ток пен ығысу тогының ұқсастығы мен айырмашылығы неде?
Максвелл теориясына кіретін негізгі физикалық шамаларды атаңдар.
Электр өрісі бар санақ жүйесінен басқа санақ жүйесіне ауысқанда неге магнит өрісі де пайда болатынын және керісінше жағдайды қысқаша түсіндіріңдер.
ІІІ. Жаңа сабақ. Айнымалы электромагниттік өріс тербелістерінің кеңістікте таралуын электромагниттік толқын деп атайды.
Суретте құйынды электр және магнит өрістерінің ұйытқуының таралу процесі көрсетілген.
Электромагниттік өріс кеңістіктің барлық бағытында 300000000 м/с жылдамдықпен электромагниттік толқын түрінде таралады.
Жарық - электромагниттік толқын.
Бірдей фазада тербелетін ең жақын екі нүктенің арақашықтығы электромагниттік толқын ұзындығын береді.
Электромагниттік толқын көлденең толқын.
Электромагниттік толқын электр зарядтарының үдемелі қозғалысынан туындайды.1887-1888 жылдар аралығында Г.Герц электромагниттік толқындардың бар екендігін эксперимент жүзінде дәлелдеді.
