Барлық оқушылар бір-бірінің қолынан ұстап, кезекпен жақсы тілектер айтып шығады.
- Жақсы, енді барлығымыздың көңіл күйіміз жағымды тілектермен көтерілгеннен кейін бүгінгі сабағымызды бастайық!
Оқушылар мұғалімнің айтқанын тыңдап, шеңберге тұрып, жақсы тілектер бір-біріне тілейді. Мысалы: Күнің сәтті болсын, бақытты бол, ешқашан ауырма және т.б.
Сабақтың ортасы
1)«Мен саған, сен маған» әдісін қолдану. Мұғалім барлық оқушыға мақал-мәтелдің бірінші жартысын айтады, оқушылар сол мақалды жалғастырады. Мұғалім: Балалар, мен сендерге қазір осы тақырыбымызға байланысты, яғни Отан туралы мақал-мәтелдердің бас жағын ауызша айтып беремін, ал сендер сол мақалдардың соңғы жақтарын дұрыс табуыңыз қажет. 1. Туған жердей жер болмас,
(Туған елдей ел болмас.)
2. Отансыз – адам, (ормансыз – бұлбұл.)
3. Отан үшін отқа түс (күймейсің.)
4. Туған жердің күні де ыстық, (түні де ыстық.)
2) Мұғалім барлық оқушыларға берілген жұмбақтарды оқиды, жауабын бірінші тапқан балаға сыйлық беріледі.
Мұқалім: Мақал-мәтелдерді жалғастыру сендерге оңай болған сияқты, сондықтан мен дәл қазір жұмбақтарды оқып, жасырамын, ал сендер сол жұмбақтардың жауабтарын дұрыс табуыңыз қажет!
1.Шаңырақ – күн,
Уықтары-нұр шашқан.
Екі пырақ, көк аспанға ұласқан.
Жарқырайды темірқазық жұлдызы,
Жол көрсетіп, алға бас-деп, Қазақстан. (Жауабы: Елтаңба)
2. Ыстық дейді оны оттан,
Патриот оны ұнатқан. (Жауабы: Отан)
3. Асқақтатып Сарыарқа даламды,
Ерлік ісі үлгі болған бабамды.
Оң қолымен ұстап тұрып жүрегін,
Бүкіл елім осы әнге салады. (Жауабы: Ән-ұран)
3) Тақтаға «Қазақстан» деген сөздің әріптері шатасып беріледі. Сол әріпті оқушылар орнына дұрыстап қою қажет. Оны дұрыстап қойғаннан кейін оқушылар ауызша «Қазақстан» деген сөзден тағы басқа сөздер құрастырады.
Мұғалім:Оқушылар, тақтаға қарайықшы. Нені көріп тұрсыңдар? Ия, тақтада бірнеше шатасқан әріптер ілініп тұр екен. Қанеки, осы әріптерді дұрыс орнына қоюға кім көмектесе алады?
