(Т, Ж, ҚБ) «Футбол элементін қамтитын эстафета». Сынып екі командаға бөлініп, қарама-қарсы қақпаға қарап сапқа тұрады. Команданың бірінші нөмірлерінің алдында футбол добы болады. Мұғалімнің белгісі бойынша біріншінөмірлі ойыншылар допты аяғымен қақпаға қарай алып келеді де, оны штрафтық алаңнан қақпаға теуіп, оны өз командасына қарай кері алып кетеді. Өз командасына жеткен кезде оны екінші нөмірлі ойыншыға беріп, өзі саптың соңына тұрады. Қарсылас командаға көп доп салған және эстафетаны бірінші аяқтаған команда жеңімпаз болады.
Ойын барысында қауіпсіздік техникасының сақталуын қадағалаңыз. Ойыншы өз серіктесінен допты алмай тұрып жүгіріп кетпеуі керек. Допты өз командасыныңойыншысына жақын қашықтықтан беруі керек. Доп қақпаға салынған кезде оны алып, алдыңғы сызықтан өз командасына беруі керек. Сұраңыз: бұл тапсырма қандай физикалық қасиеттерді дамытады? Бұл тапсырманы орындау кезінде қандай қиындықтар туындады?
(С, Ж, ҚБ) «Пасты дәл беру». Алаңға 20х15 м (немесе 15х15 м) көлемде тіктөртбұрыш сызылады. Ойын алаңының ортасына конустармен, фишкалармен 1,5 м болатын қақпа белгіленеді. Тіктөртбұрыштың (шаршының) қарсы бұрышындағы сызыққа екі ойыншы тұрады. Ойыншының біреуі допты параллель серіктесіне береді. Ол допты алып, допты ойын алаңының шетіне дейін алып барады. Одан кейін ойыншылар кері айналып, тапсырманы қайталайды. Допты бергеннен кейін ойыншылар бастапқы орындарына барады. Белгіленген қақпаға алғаш болып 10 рет доп салған ойыншы жеңіске жетеді.
