Универсиада – кешенді спорт сайыстарының ішінде Олимпиададан кейін екінші орында тұратын, жастарды спортпен айналысуға жұмылдыратын үлкен шара. 2017 жылғы Универсиадада қатысушы елдер саны бойынша рекорд қойылып, сайыстарға 1600-ден артық студент қатысқан. Сонымен қатар бұрын Универсиадада 70 медаль берілсе, бұл ретте 85 жүлде сарапқа салынды, яғни спорт түрлері де көбейді деген сөз. Студенттік олимпиаданың өтуі Алматы қаласының инфрақұрылымын дамытуға атсалысып, универсиада тарихында тұңғыш рет атлеттер қалашығы салынды. Халықаралық студенттер спорты федерациясының өкңлдері универсиаданың өтуіне жоғары баға берсе, шетелден келген қонақтар халықтың ықыласына риза болып кетті.
