– АЭС өндіріске шықса, онда қандай мамандар жұмыс істейді? Кадр мәселесіне келгенде ақсап қалмаймыз ба? Бүгінгі есеп бойынша 2000 кадр қажеттілігі бар. Осының 300-і әл-Фараби атындағы Қазақ ұлттық университетімен жасалған келісім аясында дайындалатын болады. Бірақ негізгі база біздің Ядролық физика институтында. Ал қалған кадрлар біздің ғылыми зерттеу институтындағы 3 оқу орталығында дайындалады. Атап айтар болсақ, 2017 жылдан бері ядролық қауіпсіздік орталығы, 2000 жылдан бері радиациялық қауіпсіздік орталығы және бақылау әдістері (методы неразрушающего контроля) орталығы жұмыс істейді. 1200 маманды осы орталықтар негізінде оықтамыз. Жалпы осы күнге дейін ЯФИ қабырғасында 4 мың маман дайындалды. Соның негізінде қалған мамандарды да әзірлейміз. Әрі АЭС күні ертең салынайын деп жатқан жоқ. Уақыт жеткілікті. Кадр тапшылығы болмайды.
