Саяси жүйеге мемлекетпен қатар саяси партиялар да кіреді. «Партия» сөзі латын тіліне шыққан, бөлу, бөлшек деген мағынаны білдіреді.
Тарихқа белгілі алғашқы саяси партиялар Ежелгі Грекияда пайда болды. Олардың мүшелері аз, тұрақтылығы шамалы, жөнді ұйымдаспаған шағын топтар болатын. Мұндай партиялар феодалдық қоғамда да болды. Бірақ шексіз әкімшілік билеген дәуірде олардың айтарлықтай маңызы болмады. Еңбекші топтар болса экономикалық батыраңқылық пен рухани езгінің астында еді.
Қазіргі біздің түсінігіміз бойынша саяси партиялар Еуропада XIX ғ. екінші жартысында пайда бола бастады. Бұған сол кезде болған буржуазиялық революциялар тікелей ықпал етті.
Бірақ саяси партиялар бірден көпшілік партия бола қалған жоқ. Немістің көрнекті саясатттанушысы Макс Вебер саяси партиялардың дамуында мынадай кезеңдерді атап көрсетті: 1) аристократиялық үйірмелер; 2) саяси клубтар; 3) көпшілік партиялар.
Саяси клубтардың аристократиялық үйірмелердің айырмашылығы – олар ең алдымен буржуазияның мүддесін білдіреді.
