Бақыт Какимовна: Сәлем гүлдей жайнаған балғындарым Бақшамыздан тәрбие алғандарым Енді міне ер жетіп бәрің бірге Достарыңмен мектепке барғандарың.
Салтанатты түрде кілтті табыстау. Балаларға сыйлықты табыстау. Соңында шығарып салу.
У.Х.: Жақсылыққа құмармыз, Жақсы адам болып шығамыз Таза сәби жүректен, Қабылдаңыз мың алғыс – дей отырып, келесі кезекті балалрымыздың алғыс шумақтарына берсек.
Әмина: Біздің апай Ботагоз
Маманы оның әдіскер.
Бұл апайға қарасақ,
Ақылына көркі сай.
Мақтан етем әрдайым,
Аман болшы апайым!
Ботагөз Мухажанқызына мың алғыс!
Бақдаулет: Еңбек еткен еңселі
Сырты менен ішіне.
Балабақшаның қызметін
Иығында көтерген.
Дәмді, тәтті тағамды
Жеткізген бізге дүкеннен
Бибігүл Үсенбекқызына мың алғыс!
Ж.Кәусар: Денсаулыққа болаттай,
Ауруларды жолатпай.
Күнде болған әбігер
Қамқоршымыз дәрігер
Даметер Камитқызына мың алғыс!
Мүслім: Үйренгенбіз өнер біз,
Шетімізден шеберміз.
Бал татыған әндерді
Мың бұралған билерді.
Үйреткен Айнагүл Әбенқызына мың алғыс!
З.Камила: Қызметкер ұстаздар
Сіздерді біз сыйлаймыз.
Балабақшадан кетуді
Ендігі біз қимаймыз.
Қосымша қызмет көрсеткен ұстаздарға мың алғыс!
Димаш: Ас – адамның арқауы
Аспазшы ұстаздар біледі.
Дәмді етіп бар қауымға
Ас-ауқат беріп жүреді.
Аспазшыларға мың алғыс!
Аиша: Біздің бақша тап-таза
Жолдары әсем жап-жаңа.
Қызметкерлерге мың алғыс
Бас иеміз тек қана!
Барлық тазалық қызметкерлеріне мың алғыс!
Мейірім: Бізді баптап қараған
Күлімдеген жақсы адам.
Ақ төсекке жатқызған
Басымыздан сипаған
Шынар Нәбенқызына мың алғыс!
Ақберен: Жазу жазып үйреткен
Әріптерді оқытқан.
Санамақта жаттатып
Санауды бізге үйреткен.
Жақсы болсақ қуанған
Қате болсақ кешірген
Умида, Эльвира апайларға
Айтамыз біз мың алғыс!
Әдиә: Балабақшам бесігім,
Қайсысын айта берейін?
Қабыл алшы гүлімді
Сіздерге сыйлап кетейін.
Балалар қолындағы гүлдерін апайларға сыйлайды
Вальс оркестрдің сүйемелдеуімен
Ата-аналармен ойын ойнау
Ән: «Балабақшама алғыс»
У.Х.: Талай-талай баспалдақты атттармыз
Ата-ананың үмітін де ақтармыз.
Балабақшам сенен алған ақылды
Есімізде өмір бойы сақтармыз. - дей отырып құттықтау сөзін Ботагөз Мухажанқызына береміз Ортаға құттықтау сөзіне және марапаттауға Ботагоз М шығады.
