СЕМЕСТРЛІК ТАПСЫРМАНЫ ОРЫНДАУ БОЙЫНША
ӘДІСТЕМЕЛІК НҰСҚАУ
Студенттердің семестрлік тапсырмасы - ЖОО-да оқу процесін
ұйымдастырудың маңызды формаларының бірі. Бұл бір жағынан
студенттердің өзіндік жұмысын ұйымдастырудың, екінші жағынан олардың
ғылыми және танымдық белсенділігін дамытудың нысаны бола отырып,
мамандарды кәсіби даярлауда ерекше рөл атқарады.
Семестрлік тапсырманың мақсаты - студенттердің психология пәні
бойынша оқу материалын оңтайлы меңгеруіне, өздігінен білім алуға
дайындығы мен қажеттілігіне ықпал ету.
Семестрлік тапсырманың міндеттері: академиялық білімді тереңдету
және жүйелеу; танымдық міндеттерді қою және шешу; ақыл-ой қызметінің
аналитикалық қабілеттерін, көлемі мен түрі әртүрлі ақпаратпен, оқу және
ғылыми әдебиеттермен жұмыс істей білуін дамыту; білімді, іскерлікті
практикалық қолдану; дербес оқу еңбегін ұйымдастыру және оның тиімділігін
бақылау дағдыларын дамыту.
