5. Радиоизотопты зерттеу (ренография, бүйректің динамикалық сцинтиграфиясы).
Кіріспе
Бүйректердің рентгенанатомиясы
Бүйрек бұршақ тәрізді көлеңкемен XII кеуде және I бел омыртқалар деңгейінде екі жақтан анық, тегіс контурлы болып анықталады. Түбекшелер мен тостағаншалардың формасы мен көлемі ауыспалы. Олардың контурлары тегіс және анық. Түбекшелер бүйректің ішінде де (бүйрекішілік вариант құрылысы) және сыртында (бүйрексыртылық вариант құрылысы) орналасуы мүмкін. Әдетте сол жақ бүйрек оң жақ бүйрекке қарағанда 1-1,5 см биік орналасқан. Несепағарлар жіңішке сызықты көлеңке түрінде дифференцияланады және ол жерде физиологиялық қысылулар болуы мүмкін. Кейбір жағдайда несепағардың көлеңкелері қабырғалардың перистальтикалық қозғалыстарымен фрагменттеледі.
Қазіргі кезде зәр шығару жүйесін зерттеуде барлық сәулелік диагностикалық әдістер қолданылады, бірақ оларды қолданудың дәйектілігі айтарлықтай өзгерді.
Бұл бөлімде тарихи классикалық рентгенология іш қуысын шолу суреттерімен және экскреторлы (бөлгіш) урографиямен көрсетілген. Экскреторлы урография практикада ондаған жылдар бойы бүйрек, несепағар және қуықтың жетекші және жалғыз әдісі болып табылды.
