Шағын және орта бизнес субъектілеріндегі бухгалтерлік есепті жаңашаландыру аханова Жанайым Сәкенқызы

Ғылыми жетекші: Молдашбаева Луиза Полатхановна

Нұр-Сұлтан қ., Қазақстан
Аннотация: Мақалада шағын бизнес кәсіпорындарындағы бухгалтерлік есеп саласындағы қолданыстағы ережелер сыни тұрғыдан талданады, негізделеді, оларды реформалау және халықаралық қаржылық есептілік стандарттарындағы нормалар мен талаптармен үйлестіру қажеттілігі көрсетіледі. Мақаланың әдіснамалық негізі қазіргі бухгалтерлік есеп теориясының, салықтар мен бюджеттер теориясының, жүйелік талдау арқылы іске асырылатын Қазақстандағы шағын кәсіпкерліктің басым даму тұжырымдамасының жалпы ережелері болып табылады. Автор Қазақстан экономикасының дамуындағы шағын кәсіпкерліктің рөлі мен маңыздылығын анықтайды бухгалтерлік есеп жүргізуге байланысты мәселелерді тез арада шешудің қажеттілігін негіздейді. Шағын бизнес кәсіпорындарында есептің нормативтік-құқықтық реттелуін жетілдіру жөнінде нақты ұсыныстар енгізіледі.