Алғысөз
Курстың мазмұны білім беру әдіснамасының философиялық-психологиялық, жүйелі-техникалық, ғылымтанушылық негіздерін, ғылыми-педагогикалық зерттеудің әдіснамасын қамтиды.
Курстың мақсаты: «Білім беру әдіснамасы» пәні адамдарға білім беру мен оларды тәрбиелеудегі түрлі түсінік пен құндылықтарды, идеялар мен тұжырымдардың қатар қолдануда болуы мүмкіндігін салыстыру, қабылдау негізінде магистранттардың ғылыми көзқарастарын қалыптастыру, білім беру әдіснамасының ұстанымдары мен негізгі мазмұнын меңгерту.
Курстың міндеттері:
-магистранттарды педагогикалық зерттеудің әдіснамалық негіздері, зерттеу әдістемесі туралы білімдермен қаруландыру;
-ғылыми-зерттеу жұмысының мәселесін арнайы әдебиеттер мен практикада зерделей білу дағдыларына үйрету;
-магистранттарды зерттеудің ғылыми аппаратының жеке бөліктерін жіберілуі мүмкін қателіктерді көрсете отырып сипаттағанда қажет болатын жаңа тұғырларды іздестіруге бағдарлау;
-әдіснамалық білімдердің негізгі түрлерін, олардың даму тарихын, ғылыми зерттеудің әдіснамалық негіздерін ашып көрсету;
- әдіснамалық тұғырлар мен ұстанымдарды негіздеу;
-зерттеу нәтижелерін талдауға үйрету;
-ғылыми зерттеу сапасының өлшемдерімен таныстыру.
Курсты меңгеру мына білімдермен қаруландырады:
-білім беру және технологиялар әдіснамасының мағынасы;
- педагогикалық зерттеудің әдіснамалық тұғырлар мен ұстанымдар;
- ғылыми-зерттеуді ұйымдастыру тәсілдері;
- білім беру саласындағы жобалауды ұйымдасырудың инновациялық стратегиясы.
Достарыңызбен бөлісу: | 
