Сабақ соңында оқушылар бірлесе жұмыс істеуді талап ететін бұл тапсырмаларды ең күрделі деп есептеді. Мұғалімнің қойған сұрағына «дұрыс жауап» бергеннен гөрі, өз ойын дауыстап айта отырып, идеясын басқаға жеткізу қиын болды. Осылайша, бірлескен жұмыстың әртүрлі идеялармен алмасуға тиімділігі мен күрделілігі анықталды.
Сонымен қатар, оқушыларды оқытуды бағалау үдерісіне тарту арқылы өзінің білім алуы үшін өзіне жауапкершілігін арттым. Сабақта өзін-өзі бағалау нәтижесінде тақырып бойынша нақты түсінік алуға талпына отырып, есте сақтауға, түсінуге ұмтылыс жасайды. Дегенмен, өз жұмысын бағалау кезінде қолданылатын өлшемдерді дұрыс түсінбеушілік кездесіп отыр.
Өзара сыныптастарды бағалауға келсек, бұл арқылы бағалау үдерісін жеңілдетуге болады. Себебі, бұл үдеріс еркін, оқушыға түсінікті тілде сөйлеуге мүмкіндік беріп, сенімділігін арттырып, сынды қабылдауға ықпал етіп келеді.
Сыныпқа жеке бағалау парағын таныстырумен қатар, «Алты ойлау қалпағы» әдісімен берілген тапсырмаға оның мақсатын түсінуі үшін оқушылардың өзін бағалау критерийлерін құруға тарттым. Нәтижесінде, ортақ өлшемдерді төмендегідей алдық.
