СөЖ №1 Тақырыбы: Мемлекеттік Техникалық реттеу жүйесі құрылымы
Техникалық реттеу жүйесінің құрылымы
жүктеу/скачать 34,62 Kb.
|
| 1.Техникалық реттеу жүйесінің құрылымы
Мемлекеттік техникалық реттеу жүйесі – техникалық реттеу саласындағы жұмыстарды жүзеге асыратын жеке және заңды тұлғалар, мемлекеттік органдар. Мемлекеттік техникалық реттеу жүйесінің тізілімі – техникалық регламенттерді және нормативтік техникалық құжаттарды, сәйкестікті растау жөніндегі органдарды, сынақ зертханаларын, сәйкестікті растау, аккредиттеу, тауардың шығарылған елін, Еуразиялық экономикалық одақ тауарының немесе шетелдік тауардың мәртебесін айқындау жөніндегі сарапшы - аудиторларды және сәйкестікті растау саласында берілген құжаттарды есепке алу құжаты. Мемлекеттік техникалық реттеу жүйесінің құрылымын: 1) Қазақстан Республикасының Үкіметі; 2) уәкiлетті орган; 3) өз құзыретi шегiнде мемлекеттік органдар; 3-1) аккредиттеу жөніндегі орган; 4) мемлекеттік органдар жанындағы техникалық реттеу саласындағы сарапшылық кеңестер; 5) Саудадағы техникалық кедергiлер, санитарлық және фитосанитарлық шаралар жөніндегі ақпарат орталығы; 6) стандарттау жөніндегі техникалық комитеттер; 7) сәйкестiктi растау жөніндегі органдар, зертханалар; 8) сәйкестiктi растау, аккредиттеу, тауардың шығарылған елін, Кеден одағы тауарының немесе шетел тауарының мәртебесін айқындау жөнiндегi сарапшы-аудиторлар; 9) Нормативтік техникалық құжаттардың бірыңғай мемлекеттiк қоры . Қазақстан Республикасы Үкіметінің техникалық реттеу саласындағы құзыретіне мыналар жатады: техникалық реттеу саласындағы мемлекеттік саясаттың негізгі бағыттарын әзірлеу; мемлекеттік техникалық реттеу жүйесін құру; техникалық реттеу саласында құқықтық реформаны қамтамасыз ету; мемлекеттік техникалық реттеу жүйесін дамыту бағдарламасын бекіту; қорғану технологияларын қолдану ережелерін және міндетті қорғалуға жататын құжаттар мен объектілер тізбесін бекіту; техникалық-экономикалық ақпарат жіктеуіштерінің депозитариін құру және жүргізу ережелерін бекіту; өнімнің, көрсетілетін қызметің, процесстердің қауіпсіздігін қамтамасыз ету мүддесі үшін консультациялық – қеңесші органдар құру; техникалық реттеу саласындағы нормативтік құқықтық актілерді өз құзыреті шегінде қабылдау, оларға өзгерістер және (немесе) толықтырулар енгізу, олардың күшін жою; сәйкестікті растау жөніндегі органдарды және зертханаларды акредиттеу тәртібін белгілеу; ҚР Конституциясында, заңдарында және ҚР Президентінің актілерінде жүктелген өзге де функцияларды атқару. жүктеу/скачать 34,62 Kb. Достарыңызбен бөлісу:
|