Сұрақнама Ішкі секрециялық бездер және олардың маңызы туралы жалпы түсініктеме
жүктеу/скачать 165,88 Kb.
|
| Балалар диабеті деп ұйқы безі жұмысының бұзылуы себебінен болатын созылмалы жағдайды айтамыз. Аталған ауру түрі кең тараған – ол кездесуі жағынан екінші орынды алады. Дұрыс ем қабылдамаған жағдайда, баланың органдары мен жүйелерінің жұмысы бұзылып, мүгедектікке дейін жеткізуі мүмкін.
Бұл ауру түрін қалыптасу негізіне қарай бөлуге болады: Алғашқы – немесе нағыз; Екінші – немесесимптомдық – эндокриндік жүйе қызметі жағынан ауытқудың болуына немесе бала анемнезінің басқа да патологияларына байланысты пайда болады. Алғашқы қант диабетін төмендегідей түрлерге бөлінеді: Қант диабетінің 1-ші түрі – инсулинге тәуелді, инсулин өнімінің төмендеуімен сипатталады. Кей кездері ол мүлде өндірілмей қалады; Қант диабетінің 2-ші түрі — инсулинге тәуелді емес – ағзаға түсетін глюкозаны сіңіру мүмкіндігінің болмауымен сипатталады. Диабет түрлері: Теңгерілген – оны ерте сатысында анықтап, балаға уақытында көмек көрсетілсе, глюкоза деңгейін қалыпқа келтіруге болады; Шала теңгерілген — ауыратын баладағы глюкоза деңгейі қалыпты көрсеткіштен біраз ерекшеленеді; Теңгерілмеген – баланың көмірсулық алмасуында үлкен ауытқулар байқалады – мұндай жағдайдың терапиясы өте қиын болады және емделуге ұзақ уақыт керек. Ауырлық дәрежесіне қарай диабеттің мынадай түрлері кездеседі: Жеңіл – белгілері мүлде байқалмайды, глюкоза көрсеткіштері – 8 ммоль/л дейін; Орта – баланың жағдайында ауытқулар болады, сонымен бірге глюкоза көрсеткіштері – 12 ммоль/л төмен; Ауыр түрі – бұл түрі созылмалы түрге айналып кетуімен қауіпті, себебі глюкоза деңгейі өте жоғары болады – 14 ммоль/л және одан жоғары; Асқынған түрі – баланың жағдайы өте қиын, ол басқа ауру түрлерін де асқындырады, сонымен бірге қандағы глюкоза деңгейі – 25 ммоль/л. Бірінші және екінші түрдегі қан диабетінің ең алғашқы себебі мен мазмұны ұйқы безі қызметінің бұзылуында болады. Бұл орган ішкі және сыртқы секрецияға жатады. Оның басты қызметтері: • Асқорыту кезіндегі қажетті ферменттер негізінде ұйқы безі шырынының бөлінуі; • Инсулин өндірілуі; • Ағзада майлардың, көмірсулардың және ақуыздар алмасуының реттелуі. Егер 1 түрдегі диабет – инсулин тапшылығы туралы айтатын болсақ – аурудың негізгі көзі аутоиммундық әрекет болып табылады. Ол кезде инсулин өндіретін (асқазан астында орналасқан) бета-жасушалардың бұзылуы орын алады және олар толықтай бөгеттеліп қалады. Патологияның қалыптасуының басқа да себептері: Микроағзалардың әсері – цитомегаловирус тобының вирустары, энтеровирустар, Коксаки вирусы, герпес вирустары, көкжөтел вирусы, паротит, қызылша, желшешек; Балада аутоиммунды аурулардың болуы – ол кезде иммундық жүйе ұйқы безіне кері әсерін тигізеді - арнайы денелер орган құрылымын иммунитетті бұзуы; Вирустардың бауырды зақымдауы; Ерте жаста қалыптасқан қатерлі ісіктер; Несеп шығару жолдарының жіті және созылмалы инфекциялық зақымдары; Ұйқы безінің зақымдалуы немесе басқа да салдарлары. жүктеу/скачать 165,88 Kb. Достарыңызбен бөлісу:
|