Стандарттау, сертификаттау және метрология

Стандарттау, сертификаттау және метрология.

Тәжірибе

Орындаған: Нұрғайып Қарлығаш

Алматы

Сәйкестікті декларациялаудың типтік сұлбалары.

 Сәйкестікті декларациялаудың үлгі схемалары қолданылатын сәйкестікті декларациялау схемасына байланысты мынадай дәйекті орындалатын рәсімдерді қамтиды:

а) өтінім берушінің сәйкестікті декларациялау схемасын таңдауы;

б) өтініш берушінің өнімнің техникалық регламент талаптарына сәйкестігін растайтын құжаттарды қалыптастыруы және талдауы;

в) егер бұл сәйкестікті декларациялау схемасында көзделген болса, өнімнің үлгілерін (сынамаларын) сәйкестендіруді және (немесе) іріктеуді жүргізу;

г) егер бұл сәйкестікті декларациялау схемасында көзделген болса, өндірушінің өндірістік бақылауды жүзеге асыруы және өнімді өндіру процесі оның техникалық регламент талаптарына сәйкестігін қамтамасыз етуі үшін барлық қажетті шараларды қабылдауы;

д) егер аккредиттелген сынақ зертханасының (орталығының) қатысуын көздейтін сәйкестікті декларациялау схемалары қолданылған жағдайда өтініш берушінің аккредиттелген сынақ зертханасын (орталығын)таңдауы;

е) аккредиттелген сынақ зертханасында (орталығында) немесе дайындаушының жеке сынақ зертханасында (егер Техникалық регламентте өзгеше белгіленбесе) өтініш берушінің таңдауы бойынша сәйкестікті декларациялау схемасына байланысты өнімге зерттеулер (сынақтар) және өлшемдер жүргізу;

ж) егер бұл сәйкестікті декларациялау схемасында көзделген болса, өнім түріне зерттеу жүргізу;

з) комиссия бекітетін тәртіппен өнімнің техникалық регламент талаптарына сәйкестігі туралы декларацияны (бұдан әрі – сәйкестік туралы декларация) қабылдау және тіркеу;

и) Комиссия бекітетін тәртіппен өтініш берушінің өнімді бірыңғай айналым белгісімен таңбалауын басуын қамтамасыз ету;

к) өнімнің сәйкестігін декларациялау нысанында өнімнің техникалық регламент талаптарына сәйкестігін растау рәсімдері аяқталғаннан кейін өнімнің техникалық регламент талаптарына сәйкестігін растайтын сәйкестік туралы декларацияны қабылдау үшін негіз болған дәлелдеме материалдарының жиынтығын өтініш берушінің қалыптастыруы және олардың сақталуы.

Сәйкестік туралы декларацияны қабылдау үшін негіз болған құжаттар жиынтығы (егер Техникалық регламентте өзгеше белгіленбесе) мыналарды қамтиды:

а) сериялық өндіріс өнімдері үшін:

өнімнің техникалық регламент талаптарына сәйкестігін бағалау мақсатында өнімнің негізгі параметрлері мен сипаттамаларын қамтитын өнімге арналған техникалық құжаттаманың (конструкторлық және (немесе) технологиялық және (немесе) пайдалану құжаттамасының және (немесе) техникалық шарттардың (сипаттамалардың) көшірмесі, сондай-ақ оның сипаттамасы;

егер техникалық регламент талаптарын сақтау стандарттар тізбесіне енгізілген (оларды өтініш беруші қолданған жағдайда) стандарттардың жекелеген бөлімдерін (тармақтарын, тармақшаларын) қолданумен қамтамасыз етілуі мүмкін болса, стандарттардың (олардың белгілері мен атауларын, сондай-ақ бөлімдерін (тармақтарын, тармақшаларын) көрсете отырып) тізімі;

егер қолданылуы нәтижесінде ерікті негізде техникалық регламент талаптарының сақталуы қамтамасыз етілетін стандарттар болмаса немесе қолданылмаса (қажет болған кезде), техникалық регламент талаптарының орындалуын растайтын қабылданған техникалық шешімдердің және тәуекелдерді бағалау нәтижелерінің сипаттамасы;

одақтың кедендік аумағына жеткізілетін өнімнің техникалық регламент талаптарына сәйкестігін қамтамасыз етуді және мұндай өнімнің көрсетілген талаптарға сәйкес келмегені үшін жауапкершілікті көздейтін дайындаушымен (оның ішінде шетелдік дайындаушымен) шарт (дайындаушы уәкілеттік берген тұлға үшін) (сәйкестікті декларациялау схемасында көзделген жағдайларда);

менеджмент жүйесінің сәйкестік сертификаты (сәйкестікті декларациялау схемасында көзделген жағдайларда);

мүше мемлекеттердің заңнамасына сәйкес заңды тұлғаны немесе жеке тұлғаны дара кәсіпкер ретінде мемлекеттік тіркеу кезінде берілетін өтініш берушінің тіркеу немесе есепке алу (жеке, сәйкестендіру) нөмірі туралы мәліметтер;

өнім үлгілерін (сынамаларын) зерттеу (сынау) және өлшеу хаттамалары (бар болса);

сәйкестік туралы декларацияны қабылдауға негіз болған өтініш берушінің таңдауы бойынша өзге де құжаттар (бар болса);

б) өнім партиясы немесе бірлі-жарым бұйым үшін:

келісімшарттың (жеткізу шартының) көшірмесі және өнім партиясын немесе дара бұйымды, оның ішінде мөлшерін сәйкестендіретін тауарға ілеспе құжаттар;

пайдалану құжаттарының көшірмесі (қажет болған жағдайда);

егер техникалық регламент талаптарын сақтау стандарттар тізбесіне енгізілген (оларды өтініш беруші қолданған жағдайда) стандарттардың жекелеген бөлімдерін (тармақтарын, тармақшаларын) қолданумен қамтамасыз етілуі мүмкін болса, стандарттардың (олардың белгілері мен атауларын, сондай-ақ бөлімдерін (тармақтарын, тармақшаларын) көрсете отырып)тізімі;

мүше мемлекеттердің заңнамасына сәйкес заңды тұлғаны немесе жеке тұлғаны дара кәсіпкер ретінде мемлекеттік тіркеу кезінде берілетін өтініш берушінің тіркеу немесе есепке алу (жеке, сәйкестендіру) нөмірі туралы мәліметтер;

өнім үлгілерін (сынамаларын) зерттеу (сынау) және өлшеу хаттамалары (бар болса);

сәйкестік туралы декларацияны (бар болса) қабылдау үшін негіз болған өтініш берушінің таңдауы бойынша өзге де құжаттар.