Тақырыбы: Қазақ қандай халық?

Менің ойымша, қазақ халқының дамуына септігін тигізген қасиеттер бұл батылдық, ержүректік және туған жерінің қамы туралы ойлауы болып табылады. Кеңес Одағы кезінде, жоңғар шапқыншылығы заманында өз ойларын ашық білдіруге қорықпаған, өз елінің қандай күндер көріп жүргендігін байқаған және жандары ашқан тұлғалар қазіргі Қазақстанның тәуелсіздігін қамтамасыз етті. Қазақстардың бір-бірімен жақсы қарым-қатынас жасауы, бір-біріне қамқор болуы және қанға сіңген қонақжайлығы олардың адамдық қаситеттері жоғары екендігін көрсетіп басқа ұлттардан ерекшелендіреді. Алайда “қазақ аңқау өскен халық” деп А.Байтұрсынов айтып кеткендей, қазақ халқының қиындық, жоқтық кездері көбінесе олардың аңқаулығына, сенгіштігіне және өзге ұлттардың қандай ойлармен келісім жасауға келгендігін байқамағандығына байланысты деп ойлаймын. А.И.Левшин жазбасында да қазақ халқының “деспотизм” саясатына бұрын-соңды душар болмағандығына байланысты оларды сенгіш, ақкөңіл деп атаған. Содан болар, Жағда Бабалықұлы қазақтарды “алтынның үстінде отырып қайыр тілеген, ет пен майдың үстінде отырып, аштан өлген халық” деп сипаттап көрсетті.