Тәрбиеші көктемнің басында балалармен бірге қараторғай үйшігін іліп, тілек білдірушілерге онда қандай құстар, қашан қоныстанатынан қадағалауды ұсынады. Құстардың ұядан ұшып шығуын және қайтап оралуын бақылау керек. Кейбір балаларға жәндіктердің пайда болуын, ағаштардың, шөптесін өсімдіктердің, мысалы бақбақты бақылауды тапсырады.
МЕКТЕП ЖАСЫНА ДЕЙІНГІ БАЛАЛАРДЫ ҚОРШАҒАН ОРТАМЕН ТАНЫСТЫРУ, ЭКОЛОГИЯЛЫҚ ТӘРБИЕ БЕРУ
2.1. Табиғат туралы түсінік
Табиғат – адам баласының еңбек етіп, өмір сүріп отыратын ортасы. Табиғатты қорғау – мемлекеттік маңызды мәселе, бүкіл халықтық іс. Балаларды ең сәби кезінен бастап ұяларды бұзбауға, бау-бақшадан немесе орманнан тауып алған балапан ұяларына тимеуге, үйге әкелмеуге тәрбиелеу қажет.
Балаларды қоршаған ортамен таныстыру – оларды дамытудың басты құралдарының бірі. Оның барысында балалардың қоршаған ортадағы байқағыштығы молаяды, танымдық қабілеті қалыптасады, табиғатпен тиісті қарым-қатынас жасауға тәрбиеленеді. Мектеп жасына дейінгі балаларды табиғатпен таныстыру – оларға заттар, өлі және тірі табиғат құбылыстары, балалардың оларға деген ықыласы мен сүйіспеншілігін тәрбиелеу жөнінде белгілі ьір көлемде білім беруді алдын ала көздейді.
