Академик Р.Сыздық «Тілдік қатынас» еңбегі жайлы: «Жұмыстың тағы бір құндылығы оның қазақ тіліндегі осы тақырыпқа жеке арналған алғашқы ізденіс екендігінде... Оқулық авторы оның ХХ ғасырдың алғашқы онжылдықтарындағы тарихи бастауын сөз етеді. А.Байтұрсынұлынан
179
бастап Шәкәрім Құдайбердіұлына дейінгі ғалым-ағартушылардың тер төгіп, құнды еңбектер ұсынғанын да өте жақсы көрсетеді» [13;7]-деп бағалайды. Қазақ тілінің табиғи болмысын жете түсінген Ф.Оразбаева біріншіден, ғылыми зерттеулеріне тіл білімінің бастау көзі болатын тұлғаларымыздың еңбектерін арқау ете отырып, жас ұрпаққа «ұлылыққа тағзым» үлгісін көрсетеді; екіншіден, тарихи кезеңнің құрбаны болып, ұмыт болған зерттеулерді жас ұрпаққа қайта түсіндіру арқылы жаңаша қырынан қайта жаңғыртады; үшіншіден, тілдік қарым-қатынас теориясын зерттеу барысында әлемдік зерттеулерге талдау жасаудан бұрын тілдік теориялар мен функциялардың түсіндірілуін қазақ тіл білімінің негізін салушылардың еңбектерінен саралап, дамытып ұсынады; төртіншіден, тілді оқытудағы келелі мәселелердің бастау көзін қазақ тіл білімінің зерттеушілерінен алуымыз керектігін айта отырып, бүгінгі инновациялық технологиялармен үндестігін айқындайды; бесіншіден, қазақ тіл біліміндегі жаңа парадигмалар тұрғысынан қалыптасқан ой-пікірлердің негізін ХХ ғасырдың басындағы
