Тарату электр
Орташа кернеулі тарату желілеріндегі кернеулі жерде жұмыс
жүктеу/скачать 8,07 Mb. Pdf көрінісі
|
- Бұл бет үшін навигация:
- 7.1 Жұмыс жүргізудің негізгі рәсімдері мен әдістері 7.1.1 Жұмыс жүргізуге қажетті метеорологиялық жағдайлар
| 7
Орташа кернеулі тарату желілеріндегі кернеулі жерде жұмыс жүргізу Осы тарауда орташа кернеулі тарату желілерінде жұмыстың негізгі рәсімдері мен әдістері көрсетілген. Тарауда 10 үлгілік түрге арналған кернеулі жерде электр беру желілеріндегі жұмыс әдістері: бес күрделі емес әрі тұрақты жұмыс және бес күрделі әрі кешенді жұмыс ұсынылған. 7.1 Жұмыс жүргізудің негізгі рәсімдері мен әдістері 7.1.1 Жұмыс жүргізуге қажетті метеорологиялық жағдайлар 1) Ауа температурасының әсер етуі Кернеулі жерде жұмыс қауіпсіздігіне ауа температурасының әсер етуін екі аспектіде қарастыруға болады [1]. 1) Ауа температурасы электр монтеріне әсерін тигізеді. Аса жоғары немесе аса төмен температура техниктің дене жайлылығы мен физикалық мүмкіндіктеріне әсерін тигізуі мүмкін. Нақтырақ айтқанда, ауаның экстремалдық төмен температурасы дене күшін пайдалануға, сондай-ақ жұмыстың икемділігі мен дәлдігіне тікелей ықпал етуі мүмкін, сол уақытта тұрақты экстремалдық жоғары температура сонымен бірге ыстық өтуін тудыруы және тікелей физикалық қабілеттіліктеріне әсер етуі мүмкін. Қытай аумағының кең болуына және метеорологиялық жағдайлардағы үлкен айырмашылықтарға байланысты, электр монтерларының ауа температурасына бейімделу қабілеттіліктері өзгеше болады, сондықтан электр беру желілерінде жұмыстарды жүргізу үшін температура шектері жергілікті жағдайлармен анықталуы тиіс. 2) Кернеулі жерде жұмыс жүргізу үшін құралдарды әзірлеген кезде, сондай-ақ ауа температурасына сәйкес қауіпсіз, жеңіл әрі қолайлы құралдарды әзірлеу үшін, пайдалану кезінде (мысалы, сымдағы тарту) жүктемеге ауа температурасының тигізетін әсерін есепке алу қажет. 2) Жел күшінің әсер етуі Кернеулі жерде жұмыс жүргізуге жел күшінің әсер етуі көптеген аспектілерде байқалады. 1) Ауада жұмыс істеудің жоғары күрделілігі – желдің аса жоғары жылдамдығы құрал- саймандарды пайдалана отыра, жұмысты орындаудың дәлдігіне әсерін тигізеді және жұмыс құралдары мен матауыштарын басқаруды қиындатады. Сондай-ақ, діңгектің үстіңгі және астыңғы бөлігінен команданы уақытылы беру қиынға соғады. 2) Қауіпсіздік деңгейінің төмендеуі – күшті жел құралдарға салынған механикалық жүктемелерді (көлденең жел жүктемелері) арттырады; желі желмен тым ауытқыған кезде тіректер арасындағы тазарту өзгеруі мүмкін; жел бағыты мен жел күші доғаның бағытын және жылжуын өзгерте алады. Қалыпты жағдайларда желдің күші шкала бойынша 5 балдан асқан кезде (желдің жылдамдығы 8 м/с) кернеулі жерде жұмыс жүргізу қолайсыз болады. 3) Найзағайдың әсер етуі Найзағайдың жұмыс аймағынан 20 км астам қашықтықта кернеулі жердегі жұмысқа әсер етуі қауіпсіз қашықтықты анықтау үшін толық есепке алынған. Дегенмен, жұмыс алаңының жанында найзағайдың ықтимал пайда болуын анықтау кернеулі жерде жұмыс қауіпсіздігін қамтамасыз етудің шешуші факторы болып қалады, өйткені тік найзағайдан және индуктивті найзағайдан туындаған артық кернеу қауіпсіз қашықтық бағаланатын көрсеткіштен көп есе артып отыр және арттырылған қауіпті білдіреді. Осылайша, ауа райы кенеттен өзгерген кезде найзағайлы қара бұлттар қалыптасады, бұл найзағайдың ықтимал пайда болу көрсеткіші ретінде алынады. Сақ болу қажет. Егер кернеулі жерде жұмыс істеген кезде күннің күркіреуі естілсе немесе найзағай көрінсе, найзағайдың «беталысын» және желі трассасының бойындағы ахуалды қадағалау керек және найзағайдың соғуы жұмыс жүргізген жерге тие ме жоқ па, соны анықтау қажет. Найзағайдың алаңға ықтимал түсуі болған жағдайда, жұмысты тоқтата тұру секілді, шешуші шараларды қолдану керек [2]. Мұнымен бірге, найзағайдан туындаған артық кернеу (атмосфералық артық кернеу деп те аталатын), сондай-ақ кернеулі жерде жұмыс жүргізетін қызметкердің қауіпсіздігі үшін үлкен 152 қауіп төндіреді. Индуктивті найзағайдан немесе тік найзағайдан туындайтын артық кернеу кернеулі жердегі жұмыс үшін пайдаланылатын құрал-жабдықты және жұмыс құрал- саймандарын оқшаулауға зиянын тигізуі мүмкін. Осылайша, найзағай кезінде кернеулі жерде жұмыс жүрізуге тыйым салынады. 4) Жаңбырдың, қардың, тұманның және ауа ылғалдылығының әсер етуі. Жаңбыр суы оқшауланған аспапқа тиген кезде қызметкердің күрделі жарақаттануын немесе жабдықтың бүлінуін тудыра отыра, арттырылған жылыстау тоғына (мысалы, оқшаулағыш қарнақтың (штанга) ұшқындауы) және жануына (мысалы, нейлонды қанаттардың балқуы) әкеп соқтырады. Сондықтан, жаңбырлы күндері кернеулі жерде жұмыс істеуге тыйым салынған және соған жауапты тұлға жұмыс алаңында кенеттен жаңбырдың болуын уақытылы анықтау үшін мұқият болуы және кернеулі жердегі желілерде жұмысты тоқтату бойынша шараларды қолдануы қажет. Тұман негізінен судың бірнеше тамшысынан тұрады және оқшаулауға тигізетін әсері біршама баяу болуын қоспағанда, оқшауланған құрал-саймандарға жаңбыр суы секілді әсерін тигізеді. Тұман ауаның жоғары ылғалдылығына әкеледі, сондықтан тұманды күндері кернеулі жердегі желілерде жұмысқа тыйым салынған. Қар, әдетте, оқшауланған құрал-саймандарға елеусіз әсерін тигізеді, себебі қар түскеннен кейін олар оңай тазартылуы мүмкін. Алайда, ерте көктемде түсетін жабысқақ қар тез еруі мүмкін, пайда болған су ауадағы қоспалармен араласқан кезде жаңбыр суына қарағанда, оқшауланған қасиеттерге анағұрлым зиянды әсерін тигізуі мүмкін. Нәтижесінде кернеулі жерде жұмыс барысында жабысқақ қар түсе бастаған кезде жұмысты жүргізуге жауапты тұлға шұғыл шараларды қолдануға тиіс. Бүгінде кернеулі жердегі жұмыс үшін пайдаланылатын оқшауланған құрал-саймандардың көпшілігін әмбебап эпоксидті шайыр және ПВХ секілді әлсіз полярлық диэлектриктерден дайындайды, ал олардың беттері жоғары оқшаулағыш беріктікке және гидрофты сумен жұғыспайтын қасиеттерге ие болады. Алайда оқшауланған құралдарға ылғалды және жаңбырлы ауа райында құрал-саймандарды пайдалана отырып, кернеулі жерде жұмыс жүргізген кезде қоршаған ортаның ұзақ әсер етуі кезінде оқшауланған құралдарға ылғал мен кір түсуі мүмкін. Көптеген ластанулар суда болғандықтан және кір күшті полярлық диэлектрик болып табылатындықтан, осы ластанулар оқшауланған құралдың бетіне әсерін тигізеді, бұл оқшаулаудың қарсылығының біршама төмендеуіне және жылыстау тоғының тиісінше артуына әкеп соқтырады. Егер үстіңгі беттегі ластану ылғалдың біркелкі емес әсеріне ұшыраса, онда салынған кернеудің әсерімен оқшауланған аспаптағы кернеуді үлестіру бірқалыпты болмайды, осылайша оқшауланған аспаптың разрядының кернеуін азайтады. Сондықтан, оқшауланған құралдардың таза әрі құрғақ беті қызметкердің қауіпсіздігін қамтамасыз ету үшін маңызды. Қорытындылай келе, кернеулі жерде жұмыс жүргізуді, әдетте, қолайлы әрі құрғақ ауа райы жағдайларында, желдің күші шкала бойынша 5 балдан аспаған кезде (желдің жылдамдығы 8 м/с төмен), ауа температурасы мен жергілікті жердің жағдайлары қолайлы және жұмыс аймағының ішінде немесе жанында найзағай болмаған кезде орындау қажет екендігін атап өту керек. Күн күркіреген, жаңбыр, қар немесе тұман болған жағдайда кернеулі жерде жұмысты орындауға тыйым салынады. Егер желдің күші шкала бойынша 5 балдан артатын болса немесе ауаның салыстырмалы ылғалдылығы 80%-дан асатын болса, кернеулі жерде жұмысты орындау ұсынылмайды. Егер қолайсыз ауа райы жағдайларында электр беру желісінде жедел жөндеу жасауға тура келсе, қабылдануы тиіс сенімді шараларды толық талқылау үшін, кернеулі жерде жұмыс істейтін қызметкерлердің жұмысын ұйымдастыру керек. Кернеулі жерде жұмыс жүргізуге қуаттандырылған кәсіби инженерлер сенімді шараларды тексермейінше жедел жөндеу орындалуы мүмкін емес және басшымен, пайдалануға жауапты тұлғамен немесе бас инженермен мақұлданбайды. жүктеу/скачать 8,07 Mb. Достарыңызбен бөлісу:
|