Сабақтың басы
|
1-тапсырма. Ойтолғау. Ақпарат іздеу.
Сабақта ежелден келе жатқан асыл мұраларымыздың бірі –
батырлар жыры қарастырылады.
Оқылым.
(М, Ұ) Оқулықта жырға байланысты шағын ақпараттық түсінік берілген. Оны мұғалім өзі əсірелеп əңгімелеуіне болады.
«Бұрынғы жаугершілік замандарда сыртқы жаулардан қорғанып, тыныштықта тіршілік ету – ел-жұрттың негізгі арманы болған. Мұндай кезеңдерде халық елін-жерін қорғайтын, суға салса батпайтын, отқа салса жанбайтын, қылыш шапса кеспейтін хас батырды аңсаған. Сөйтіп, халық өз арасынан Алпамыс, Қобыланды, Ер Тарғын, Қамбар т.б. батырларды шығарған. Олардың ерліктерін домбыраға, қобызға қосып, кейде аспапсыз-ақ тақпақ, терме түрінде екпінді əуенмен баяндайтын.
Мұндай оқиғасы ел, халық өмірінен алынған ұзақ өлеңдерді халық «жыр» деп атаған. Батырлық жырлар көп елдерде сақталған. Оны гректер «эпос» десе, қазақтар
«жыр», қырғыздар «ыр» деген».
Өзің қандай батырлар жырын білесің?»
Оқушылар өздеріне таныс батырлары туралы өз ойларын ортаға салады.
|
Оқулық,
нота хрестоматиясы, фонохрестоматия
|
