Темір табиғатта алюминийден кейінгі ең көп тараған металл. Оның үлесіне жер қыртысының 5,1%-ы тиеді. Ғарыштан түсетін метеориттер негізінен темірден тұрады. Сондықтан ерте заманда темірді “аспан” немесе “жұлдыз тасы” деп атаған. Темір жер қыртысында көптеген минералдар түзеді. Темірдің ең маңызды өнеркәсіптік кендері: қызыл темір тас Fe2O3, магнитті теміртас Fe3O4 , пирит немесе темір колчеданы FeS2 . Қазақстанда темірдің бай қоры бар, ол Торғай темір кенді бассейнінде және Орталық Қазақстанда орналасқан. Темір сульфат FeSO4 және гидрокорбанат Fe(НСO3)2 түрінде минералды сулардың құрамына кіреді. Темір тұздары теңіз суларында да бар, сол сияқты мұхиттардың түбінде де темірге әжептәуір бай табиғи шөгінділер кездеседі. Темір тірі организмдерде де болады. Ересек адамның денесінде 4-5 г темір бар. Оңың 65%-ы қандағы гемоглобиннің құрамына кіреді.
