Тәрбие сағатының тақырыбы: 1 мамыр Қазақстан халқының бірлігі күні!
жүктеу/скачать 15,89 Kb.
|
- Бұл бет үшін навигация:
- Ұйымдастыру: Кіріспе
|
Тәрбие сағатының тақырыбы: 1 мамыр – Қазақстан халқының бірлігі күні! Тәрбие сағатының мақсаты: «1 мамыр – Қазақстан халқының бірлігі күні» мейрамының маңызын түсіндіру; Оқушыларды елімізде тұрып жатқан өзге де халықтардың озық мәдениетімен, өзіндік үлгі-өнегесімен таныстыру. Тәрбие сағатының міндеті: Оқушыларды еліміздегі өзге де ұлттарды құрметтеп, оларға тағзым етуге тәрбиелеу; Оқушыларды татулыққа, бірлікке тәрбиелеу. Тәрбие сағатында қолданалынатын көрнекіліктер: бейнематериал, плакат, суреттер. Ұйымдастыру: Кіріспе: 5 - минут Сәлеметсіздер ме, құрметті оқушылар! Бүгінгі күндеріңіз қалай өтті? Сабақтардан да шаршаған боларсыздар. Соған орай көңіл-күйімізді көтеріп, бір-бірімізге бір ауыз жылы лебіз айтып өтсек. Бәріміз орнымыздан тұрамыз. Оқушылар орындарынан тұрып, бір-біріне жақсы тілектер айтады. Көңіл-күйімізді көтеріп алдық, енді бір сұрақ қойсам. Алдымызда қандай мереке жақындап келе жатқанын білесіңдер ме? Дұрыс айтасыздар оқушылар! Алдымызда еліміздің айтулы мейрамы, татулығымыз бен достығымыздың көрінісі – «1 мамыр Қазақстан халқының бірлігі күні» келе жатыр. Мен бүгінгі сабақта балдық бағалау жүйесін қолданғым келеді, әр орындалған тапсырма үшін топтарға 1-5 арасында бал беріледі. Сабақ соңында жеңген тобымызға сый береміз. Естеріңізде болса мен өткен тәрбие сағатында осы тақырыпқа байланысты тапсырмалар берген болатынмын, сол тапсырмаларды кім орындап келді? Берілген тапсырмалар: Сынып 6 топқа бөлініп, әр топ өзіне берілген ұлт туралы ақпарат жинап, сурет салып алып келу. (Халықтың тарихы, тілі, ұлттық киімі мен ұлттық тағамдары) Үйге берілген тапсырманы қорғау: 10 минут Жақсы оқушылар, үйге берілген тапсырманы айтып болсақ, тақтаға назар аударсақ. Бүгінгі тақырыбымызға байланысты қысқаша бейнеролик көрейік. Бейнематериал: https://youtu.be/sHNx8jrYoDs (1 минут, 10 секунд) Осы бейнероликтен не түсіндіңіздер оқушылар? Оқушылар өз ойларын айтады. (3-4 минут Осы мейрамға байланысты қысқаша ақпарат алып келдім, кім дауыстап оқығысы келеді? Оқылым: (4-5 минут) Қазақстан халықтарының бірлігі күні – Қазақстанда жыл сайын тойланатын мереке. Мереке 1996 жылдан бастап тойланады. 1995 жылдың 18 қазанында Қазақстан президенті жарлығы бойынша 1 мамыр – Қазақстан халықтарының бірлігі күні деп жарияланды. «Бірлік болмай тірлік болмас» деген атам қазақ. Берекені көздеген ел мерекелі тірлік жасаудан жалықпаған. Сондықтан да Қазақстан халқы 1 мамыр ынтымақ пен бірлік күнін тойлайды. «Береке бастауы бірлік, ел іші тату тірлік» қағидасын ұстанған ел үшін бұл мерекенің орны ерекше. Жыл сайын атаулы мерекеге Қазақстан аумағында тұрып жатқан 130-дан астам ұлт пен ұлыс өкілдері киелі шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды. Бір шаңырақтың астындағы халқымыздың достығы мен өзара түсіністігі, еліміздегі ұлтаралық татулық, ынтымақ, бірлік мәңгі жасай берсін. Балалар, шаршадыңыздар ма? Олай болса кішігірім сергіту сәтін өткізсек. Сергіту сәті: https://youtu.be/uiV7y3MTG9c (2 минут) Шаршағанымыз басылса тағы бір топтық жұмыс жасап жіберейік, мен сіздерге ақ беттер таратып беремін, сіздер бүгінгі тақырыпқа кластер жасайсыздар. Бәріміз болған соң әр топ қорғайды. (10 минут) Жарайсыздар оқушылар! Сабақтың аяғы да тақап қалыпты, сндықтан алдарыңызда тұрған стикерлерге бүгінгі сабақтан алған әсерлеріңізді жазып, тақтада ілініп тұрған Қазақстан картасына жапсырсаңыздар. жүктеу/скачать 15,89 Kb. Достарыңызбен бөлісу:
|