Дауысты дыбыстардың ерекшеліктері

Көне ғасыр мен орта ғасыр жазба ескерткіштері тілінің фонетикалық қабаты уақыт өте келе өзгерістерге ұшыраған. Әлбетте, Мн ескерткіші тілі де бұл заңдылықтан тыс қалмаған. Жәдігер тілінің бойындағы фонетикалық айырмашылық немесе ұқсастық түркі тілдері және қазіргі қазақ тілімен салыстырғанымызда айқын байқалады. Тілдегі дыбыстық ерекшеліктер Мн ескерткіш тілінің өз ішінен де аңғарылады.

Осы тараушада алға қойған мақсатымыз – XIV ғасырдың көркем туындысы «Мухаббат-наме» ескерткіші тілінің сөздік қоры қаншалықты фонетикалық өзгеріске ұшырағанын қазақ тіліндегі ортақ тұлғалармен салыстырып тізбектеп толық көрсету. Ортақ сөздер бойынша ұқсастықтар мен айырмашылықтарды былайша таратып көрсетуге болады.