Тіл білімі және Құдайберген Жұбанов

Қазақ тіл білімі ұзақ мерзім бойы зерттеліп, дамып өсіп өркендеді. Аталмыш салада елеулі еңбектері бар Қ.Жұбановтың қосқан үлесі зор.Бұл сөзге «Буынның күші сөз екпіні», «Синтаксис тарихы», «Төңкеріс және қазақтың ұлт тілі» сынды мақалалары, сонымен қатар «Қазақ тілінің грамматикасы» оқулығы, «Қазақ тілі фонетикасының тарихын зерттеуге кіріспе», «Буын жігін қалай табуға болады», «Қазақ тілінде бірікен сөздердің жазылуы» атты ғылыми жұмыстары дәлел бола алады. Тіл білімі саласындағы алғашқы қазақ профессоры атанған Қ. Жұбановтың тілге қатысты мәселелермен шұғылдануы 1920 жылдан бастауын алады. Ол ғылыми тер­мин сөздерге қойылар талаптың басты-басты шарттарын анықтай отырып алғаш рет ғылыми анықтама берген. Термин сөздердің эволюциялық даму ерекшелігі жайында дұрыс болжам жасайды. Өзінің ғылыми методикалық жүйелеуі арқылы ғылым тілін бір ізге салуға жол аша білді.