Эндогендік факторлар. Жергілікті аурулар. Ұрықтың (эмбрионның)
өсіп-өнуіне және оның кейін жас нәресте болуына шешуші роль атқаратын
жатырдың әртүрлі патологиялық аурулары болып есептеледі. Мұндай
патологиялық ауруларға жататындар: жатырдың екі мүйізді түрі, жатырдың
инфантильдік түрі, жатыр ішінде баланың дұрыс орналаспауы қан
айналымын бұзады, эндо және миометрияның қабыну аурулары, жатырдағы
жаңа пайда болған миома, фибромиома және полиптер. Бұндай өзгерістер
ұрықтың жатыр ішіне жабысуын бүлдіріп зат алмасуының және эмбрионның
қоректенуін нашарлатып, оның өсіп-өнуіне және органдардың қалыптасуына
әсер етеді.
Жалпы аурулар.Бұған жататындар: қан қысымы ауруы, жүректің кемістік
ауруы салдарынан организмнің оттегімен қамтамасыз етілмеуі. Осыған
байланысты тотығу және ферметтік процесстің нашарлауы салдарынан әртүрлі
органдарда аномалия немесе жетіліп өспеуіне, дистрофияға шалдығуға, жатыр
ішінде асфиксия болуға және өлімге әкеп соғады. Қан қысымының жоғарылауы
ауруынан балалардың өлі тууы 30%-ға жетеді.
